«Спачатку падумаў, што аўчарка». У Гродне па ажыўленай магістралі гуляў бабёр ВІДЭА
У Гродне на ажыўленай трасе паміж вуліцамі Брыкеля і Магістральнай у ноч на 21 красавіка заўважылі бабра. Звер не звяртаў увагу на людзей і кудысьці мэтанакіравана ішоў.
«Спачатку падумаў, што гэта аўчарка. А пад'ехаўшы бліжэй, пераканаўся, што гэта ён, родненькі.
«Мне падалося, што бабёр не можа знайсці выхад з дарогі. Але дапамагчы яму я ніяк не мог. Машын было не вельмі шмат, думаю, што жывёліна справілася», — цытуе відавочцу newgrodno.by.
Непадалёк ад гэтага месца ёсць забалочаная нізіна, на якой знаходзіцца выток ракі Гараднічанкі. Там пасялілася сям'я баброў.
У Гродне гэтых жывёл сустракаюць не ўпершыню. Бабра, бывала, здымалі на відэа нават у цэнтры горада.
Чытайце таксама:
«Я такіх сабак ніколі не бачыла». Воўк ці сабака: хто трымае ў страху жыхароў Віцебска
За год амаль на 12% павялічылася колькасць ДТЗ з удзелам дзікіх жывёл
У цэнтры Віцебска бабры спрабуюць зваліць вялікае дрэва ФОТАФАКТ
Якая сувязь паміж бабрамі і птушкамі?
Як паводзіць сябе пры сустрэчы з дзікімі жывёламі — раяць спецыяліст і бывалы паляўнічы
