Лукашэнка прызначыў новых кіраўнікоў на «Атлант» і «БЕЛАЗ»
Аляксандр Лукашэнка 11 сакавіка ўзгадніў прызначэнні новых генеральных дырэктараў двух прадпрыемстваў — «Атлант» і «БЕЛАЗ».
Генеральным дырэктарам ААТ «БЕЛАЗ» узгоднены Сяргей Лесін, які працаваў на гэтым жа прадпрыемстве на пасадзе намесніка гендырэктара. Нагадаем, што ў снежні з’яўлялася інфармацыя, што гендырэктар «БЕЛАЗ» быў затрыманы.
Лукашэнка таксама ўзгадніў прызначэнне Дзмітрыя Харытончыка на пасаду генеральнага дырэктара ЗАТ «Атлант» — дырэктара Мінскага завода халадзільнікаў. Сюды ён пяройдзе з ранейшай пасады намесніка міністра прамысловасці.
Акрамя таго, новы кіраўнік будзе на дзяржаўным знешнегандлёвым прадпрыемстве «Белспецзнештэхніка». На гэту пасаду ўзгоднены Ігар Велянцей, які да гэтага часу працаваў намеснікам дырэктара па камерцыйных пытаннях Завода дакладнай электрамеханікі.
Чытайце таксама:
Ад амаль 6000 да 270 рублёў. Колькі зарабляюць лукашэнкаўскія ідэолагі?
Як беларусы дапамагалі аснашчаць расійскую вайсковую машыну заходнім абсталяваннем
