Ci maje sens inviestavać u kryptavaluty ŭ 2020 hodzie? Raskazvajem
2020 hod prynios šmat nie samych pazityŭnych padziej čałaviectvu: pandemija karanavirusnaj infiekcyi pryviała da paŭsiudnaha karancinu, zakryćcia i bankructva mnohich pradpryjemstvaŭ siaredniaha i małoha biznesu, vyklikała abvał suśvietnych finansavych rynkaŭ, što pryviało da kryzisu, skaračeńnia pracoŭnych miescaŭ i inšych niehatyŭnych nastupstvaŭ.
Fota Goodfreephotos
Pa prahnozach SAAZ i inšych miedycynskich arhanizacyj, druhaja chvala raspaŭsiudžvańnia virusa moža pačacca ŭ luby momant, da taho času, pakul nie źjavicca vakcyna.
Akramia raspaŭsiudžvańnia niebiaśpiečnaha virusa, na mižnarodnaj palityčnaj arenie taksama chapaje padziej, jakija niasuć ryzyki dla suśvietnaj stabilnaści i raźvićcia. Razmova ŭ pieršuju čarhu ab ekanamičnym supraćstajańni Vašynhtona i Piekina, a taksama ab chutkich vybarach prezidenta ŭ ZŠA. Na movie ekanamistaŭ heta nazyvajecca niapeŭnaści.
Fota Pixabay
Niapeŭnaści zaŭsiody akazvajuć cisk na suśvietnyja finansavyja rynki i mohuć prynieści straty inviestaram. Z hetaha ŭźnikaje całkam łahičnaje pytańnie: a ci varta kudy-niebudź inviestavać u taki niespakojny čas? Asabliva cikavy adkaz na hetaje pytańnie ŭdzielnikam kryptavalutnaj industryi abo tym, chto razhladaje jaje ŭ jakaści alternatyvy tradycyjnym rynkam. Analizujem razam z ekśpiertami pieršaj rehulavanaj kryptapłatformy Currency.com.
2017—2019
Pieryjad z 2017 pa 2019 hod možna nazvać pierałomnym dla kryptavalutnaj industryi. Za hetyja dva hady decentralizavanyja ličbavyja hrošy prajšli šlach ad žorstkaj krytyki da pryniaćcia i rehulavańnia ekanomikami śvietu.
Kaniec 2017 hoda adznačyŭsia manumientalnym uzdymam industryi, kali bitkoin dasiahnuŭ koštu ŭ $20000, a sumarnaja kapitalizacyja rynku dasiahnuła praktyčna $1 trłn. Paśla takoj padziei ihnaravać raźvićcio novaj ekanamičnaj madeli stała ŭžo niemahčyma. Niahledziačy na krytyku, što bitkoin i inšyja kryptavaluty — heta piramida i ničym nie zabiaśpiečanyja aktyvy, ułady ZŠA byli vymušanyja zapuścić handal bitkoin-fjučersami na čykahskaj tavarnaj biržy.
Pieršapačatkova heta padzieja była ŭspryniata kryptasupolnaściu pazityŭna, pakolki akramia zvyčajnych ludziej i entuzijastaŭ na rynak pryjšli instytucyjnyja inviestary i vialikija hrošy. Ale adbyłosia advarotnaje. Jak paźniej zajaviŭ były kiraŭnik kamisii pa terminovym biržavym handli (CFTC) Krystafier Džankarła, zapusk bitkoin-fjučersaŭ na CME — heta metanakiravanaja ataka administracyi Donalda Trampa, meta jakoj — łopnuć sfarmavanuju burbałku na kryptavalutnym rynku.
Na nastupny dzień paśla zapusku fjučersaŭ cana na bitkoin stała rezka źnižacca i ŭžo praz paŭtara miesiaca dasiahnuła $6000, a da kanca 2018 hoda — $3150. Za hety čas zbankrutavała vielizarnaja kolkaść kryptaentuzijastaŭ, inviestaraŭ, a taksama ICO-prajektaŭ, u tym liku z peŭnym patencyjałam.
U 2019 hodzie viadučyja ekanomiki i finansavyja rynki stała lichamanić. Mnostva analitykaŭ i ekanamistaŭ sychodziłasia ŭ mierkavańni, što nabližajecca hłabalny finansavy kryzis, jaki moža stać macniejšym, čym jaho papiarednik 2008 hoda. U hety samy momant inviestary ŭspomnili pra isnavańnie bitkoina, jaki vielmi mocna patańnieŭ u 2018 hodzie i moh stać vydatnaj alternatyvaj fondavym rynkam i navat zołatu jak achoŭny aktyŭ u pieryjad hłabalnych ekanamičnych uzrušeńniaŭ.
Fota Pixabay
Čytajcie taksama: Što rabić, kali na rynkach usio padaje i nadychodzić kryzis?
Na praciahu 2019 hoda nie zmaŭkali razmovy ab zapusku kryptavalutnaj płatformy Bakkt dla instytucyjnych inviestaraŭ ad apieratara Ńju-Jorkskaj fondavaj biržy (NYSE), a ciapier i Čykahskaj syravinnaj biržy (CME), a taksama zapusku bitkoin-ETF ad VanEck i SolidX. Niahledziačy na toje, što SEC (Kamisija pa kaštoŭnych papierach i biržach ZŠA) tak i nie dała dazvoł na stvareńnie ETF, a zapusk Bakkt pryvioŭ tolki da čarhovaha padzieńnia kursu BTC, pryjšło ŭśviedamleńnie taho, što z kryptaśvietam ličacca i pastupova rychtujuć jaho intehracyju ŭ tradycyjnuju ekanomiku.
U 2019 hodzie stała viadoma ab raspracoŭcy i pačatku testavańnia Kitajem dziaržaŭnaj kryptavaluty, abo CBDC (Central Bank Digital Currency), maštabnaj ekanamičnaj sistemy, jakuju šmat chto nazyvaje ličbavym juaniem. Zatym ab pačatku raboty nad ułasnymi valutami abviaścili Vialikabrytanija, Hiermanija, Francyja i šerah inšych dziaržaŭ. U hetym ža hodzie startavała bolš hłybokaje rehulavańnie rynku ličbavych aktyvaŭ u mnohich krainach śvietu. Aŭstralija, Šviejcaryja, Japonija, Biełaruś, a taksama šerah inšych dziaržaŭ albo raspracavali zakony z nula, albo dapracavali ich i stali vydavać licenzii na ažyćciaŭleńnie kryptavalutnaj dziejnaści i abkładać padatkami dachod ad ličbavych aktyvaŭ.
2020 hod
U 2020 hodzie, praź niekalki hadoŭ paśla pierakanańnia, što kryptavaluty chutka stanuć tolki častkaj historyi, jany aktyŭna ŭkaraniajucca ŭ suśvietnuju finansavuju sistemu. Adbyvajecca źlićcio ličbavaj i tradycyjnaj ekanomiki z pastupovym pierachodam na ličbavuju. Bankam ZŠA dazvalajuć akazvać kastadyjalnyja pasłuhi z kryptavalutami svaim klijentam. Abjomy tarhoŭ, pakupak i raspaŭsiudžvańnia kryptavaluty ŭ śviecie tolki pavialičvajucca.
U hetym ža hodzie adbyłasia fundamientalnaja padzieja ŭ žyćci bitkoina — chałvinh. Chałvinh — heta źnižeńnie ŭznaharodžańnia majnieram za zdabyču błoka ŭ 2 razy.
Fota publicdomainpictures.net
Kab u sietcy bitkoina adbyvalisia pieravody (tranzakcyi), nieabchodna zdabyvać śpiecyjalnyja błoki, u jakich źmiaščajecca ŭsia infarmacyi ab sietcy. U toj ža samy čas padobnaja struktura abaraniaje sietku ad roznaha rodu napadaŭ.
Dla zdabyčy błoka patrabujecca śpiecyjalnaje vyličalnaje abstalavańnie, jakoje spažyvaje vialikuju kolkaść elektraenierhii. Za heta majniery atrymlivajuć uznaharodu ad sietki, a razam z tym zdabyvajuć novyja bitkoiny, kolkaść jakich nikoli nie pieravysić 21 młn maniet.
U 2020 hodzie majniery stali atrymlivać u dva razy mienš uznaharoddańnia za zdabyču błoka. Hety deflacyjny pratakoł byŭ zakładzieny jašče stvaralnikam bitkoina ŭ 2008 hodzie. Kožnyja 4 hady zdabyvać bitkoin usio składaniej i składaniej, pakolki kolkaść karystalnikaŭ raście, patrabujecca bolš vyličalnych mahutnaściaŭ, a vypusk bitkoinaŭ na rynak źnižajecca, stvarajučy kałasalny deficyt. Deficyt pravakuje popyt, a popyt deficytnaha aktyvu pravakuje rost jaho koštu. Matematyka prostaja, ci hałoŭny rynkavy zakon u dziejańni. Tradycyjna ŭžo praz paŭhoda paśla chałvinhu bitkoin pačynaje raści, dasiahaje papiaredniaha maksimumu ŭ canie, praz 1,5—2 hoda —novaha histaryčnaha maksimumu.
U 2021—2022 hodzie, na dumku bolšaści ŭdzielnikaŭ kryptavupolnaści, košt hałoŭnaj kryptavaluty vyraście minimum da $50000.
Što ž tyčycca inšych kryptavalut, tut, mabyć, varta źviarnuć uvahu na raźvićcio napramku DeFi, abo decentralizavanyja finansy, u jakich pramuju rolu adyhryvaje kryptavaluta Ethereum.
Fota Flickr
Efir znajšoŭ sabie realnaje prymianieńnie ŭ śviecie ličbavaj ekanomiki ŭžo dvojčy:
1. Rynak ICO pakazaŭ, što akcyi kampanij mohuć być nie tolki papiarovymi, ale i takienizavanymi na błokčejnie Ethereum. Darečy, dziakujučy stvareńniu zakanadaŭstva ab raźvićci ličbavaj ekanomiki ŭ Biełarusi i zapusku pieršaj rehulavanaj kryptapłatformy Currency.com u inviestaraŭ źjaviłasia mahčymaść inviestavać u akcyi najbujniejšych suśvietnych karparacyj, indeksy, syravinnyja tavary i inšyja anałahičnyja aktyvy ŭ takienizavanym vyhladzie. Praściej kažučy, kuplajučy takienizavanuju akcyju jakoj-niebudź kampanii, vy nie stanoviciesia trymalnikam samoj akcyi, ale atrymlivajecie ŭsie pieravahi vałodańnia akcyjaj (možacie atrymlivać prybytak ad vałodańnia joj, dyvidendy). Niama nieabchodnaści źviartacca da brokieraŭ, kab inviestavać i vałodać akcyjami kampanij abo baralem nafty. Dla inviestavańnia ŭ taki aktyŭ dastatkova zajści na Currency.com i nabyć tokien, jaki vas cikavci. Heta stała mahčymym dziakujučy źjaŭleńniu na śviet takoha prajekta, jak Ethereum.
Fota piqsels.com
2. Hučna šumić siońnia novy napramak u kryptavalutnaj industryi pad nazvaj DeFi, abo decentralizavanyja finansy. Zaraz, kab atrymać kredyt abo pakłaści hrošy pad depazit, zusim nie abaviazkova źviartacca ŭ bank, jaki prapanuje nie samyja lepšyja ŭmovy i moža pazbavicca licenzii. Vy možacie ŭziać pazyku ŭ inšaha ŭdzielnika kryptarynka ci kampanii, pakinuŭšy pad zakład kryptavalutu. Nichto nie niasie praktyčna nijakich ryzyk. Uvieś praces uzajemadziejańnia pa zachoŭvańni ažyćciaŭlajecca z dapamohaj smart-kantraktaŭ, jakija vyklučajuć mahčymaść praduziataha staŭleńnia abo machlarstva z čyjho-niebudź boku. Praściej kažučy, usie finansavyja apieracyi decentralizavanyja i nichto ni na kaho nie moža akazvać nijakaha cisku ci mianiać umovy ŭ adnabakovym paradku. Usie hetyja prajekty i smart-kantrakty stvorany na bazie kryptavaluty i błokčejna Ethereum.
Vysnova bačycca prostaj. Kryptavalutnaja industryja ŭžo stała častkaj suśvietnaj finansavaj sistemy i ekanomiki. Napieradzie čakajecca raźvićcio, a tam, dzie raźvićcio, tam i rost.
Zrazumieła, havorka idzie ab doŭhaterminovym roście, ale što tyčycca pytańnia ab inviestycyjach niepasredna ŭ 2020 hodzie, to možna skazać nastupnaje:
2020 moža stać dobrym hodam dla inviestycyj u kryptavaluty, napiaredadni novaha vitka raźvićcia nie tolki ličbavaj industryi, ale i suśvietnaj finansavaj sistemy ŭ pryncypie. Adnak pamiatajcie, što inviestycyjnaja dziejnaść z tokienami spałučanaja z vysokimi ryzykami straty kapitału.
Kupić takienizavanyja akcyi siońnia dosyć lohka moža luby achvotny naŭprost na rehulavanaj kryptapłatformie Currency.com, jakaja prapanuje svaim klijentam bolš za 1500 roznych aktyvaŭ. Na płatformie pradstaŭleny viadučyja pa kapitalizacyi kryptavaluty, takienizavanyja akcyi najbujniejšych u śviecie karparacyj, fondavyja indeksy, syravinnyja tavary, ETF, valuty i ablihacyi.
Dadzieny materyjał nie źjaŭlajecca finansavaj kansultacyjaj.
Pośpiech papiarednich inviestycyj nie aznačaje pośpiech u budučyni.
Čytajcie taksama: U što inviestujuć samyja bahatyja ludzi płaniety — raskazvajem
