U što inviestujuć samyja bahatyja ludzi płaniety — raskazvajem
Što robiać sa svaimi hrašyma samyja bahatyja ludzi płaniety? Na što traciać svaje kapitały multymiljardery, jakija ŭvachodziać štohod u Top śpisa Forbes?
Kali vy ŭvažliva vyvučycie pieršuju dziasiatku, to, chutčej za ŭsio, mocna ździviciesia, bo jany nie kuplajuć sabie Ferrari abo Bentley, jachty pamieram z futbolnaje pole, a pryvatnyja samaloty nabyvajucca vyklučna dla ekanomii času, bo ŭładalnikam bujnych kampanij časta davodzicca latać pa pracoŭnych spravach u inšyja krainy. Akramia taho, takija ludzi vielmi šmat addajuć na dabračynnaść, uziać, da prykładu, Biła Hiejtsa, jaki achviaravaŭ kala $40 młrd. Źmianiŭšy śviet da lepšaha, jany taksama dapamahajuć mianiać jaho inšym, maładym, talenavitym i ambicyjnym chłopcam i dziaŭčatam, inviestujučy ŭ ich dziasiatki i sotni miljonaŭ dalaraŭ.
Dyk u što ž inviestujuć takija viadomyja asoby, jak Džef Bezas, Mark Cukierbierh, Łary Pejdž, Iłan Mask i Džek Ma? Hladzim razam z ekśpiertami kryptapłatformy Currency.com.
Džef Bezas — zasnavalnik Amazon
Džef Biezas, fota Lev Radin, Shutterstock.com
TheDream.US
Amierykanskaja prahrama stypiendyj dla nielehalnych imihrantaŭ, jakich pryvieźli ŭ krainu jašče dziećmi. Skarystacca prahramaj moža kožny, kaho pryvieźli ŭ ZŠA da 2014 hoda. U Amierycy pražyvaje kala 1 młn imihrantaŭ, jakija majuć ciažkaści pry pastupleńni ŭ navučalnyja ŭstanovy. TheDream.US padtrymlivaje 3850 studentaŭ. Džef prainviestavaŭ prahramu, achviaravaŭ $33 młn i patłumačyŭ heta tym, što jahony baćka taksama kaliści pryjechaŭ u ZŠA nielehalna, nie viedajučy anhielskaj movy. Dziakujučy pracy sacyjalnych słužbaŭ i asiarodku, baćka Džefa zmoh stać hramadzianinam krainy i pracavać na karyść hramadstva.
Mindstrong Health's
Apošnija inviestycyi Bezasa — $15 młn u Mindstrong Health's. Misija kampanii — vyjaŭleńnie rańnich prykmiet paharšeńnia psichičnaha zdaroŭja z dapamohaj miedycynskich branzaletaŭ i mabilnaha dadatka. Džef Bezas skazaŭ, što jon robić svaje inviestycyi, hruntujučysia na tym, što heta źmienić žyćcio ludziej da lepšaha. Na jaho dumku, prablema psichałahičnaha zdaroŭja źjaŭlajecca adnoj z najvažniejšych u naš čas, tamu inviestycyi ŭ Mindstrong Health's Džef ličyć dobrym układańniem.
Mark Cukierbierh — zasnavalnik Facebook
Mark Cukierbierh, fota Frederic Legrand, Shutterstock.com
Vicarious
Vicarious — heta kampanija, jakaja imkniecca ŭznavić čałaviečy nieakorteks u jakaści kampjutarnaha koda. Nieakorteks —heta davoli važnaja častka mozhu, jakaja «bačyć, kantraluje cieła i razumieje movu». Mark inviestavaŭ u prajekt $52 młn i patłumačyŭ heta nastupnym čynam:
«Facebook choča pieratvaryć vielizarnyja abjomy infarmacyi, jakimi dzielacca jaho karystalniki, u bazu źviestak mudraści. Zadajcie Facebook pytańnie, i, kali ŭsio pojdzie pa płanie, jon daść adkaz, zasnavany na faktach, jakimi padzialilisia karystalniki. Facebook taksama vykarystoŭvaje štučny intelekt dla raspaznańnia tvaraŭ, kab identyfikavać karystalnikaŭ na fotazdymkach».
Asana
Asana — heta task-mieniedžar, zdolny ŭparadkavać biznes-pracesy ŭnutry kampanii i ŭzajemadziejničać z klijentami. U Asana možna lohka stvarać adździeły: naprykład, adździeł prodažaŭ, markietynhu, vytvorčy adździeł, HR i t. d. Mark inviestavaŭ u prajekt $50 młn. Cukierbierh ličyć, što intehracyja Asana ŭ ekasistemu Facebook dla aptymizacyi biznes-pracesaŭ mahčymaja, ale zaležać heta budzie ad vynikaŭ pracy prajekta da 2022 hoda.
Čytajcie taksama: Chočacie źbierahčy hrošy ci navat padzarabić na ich? Raskazvajem, jak sfarmiravać prybytkovy partfiel
Łary Pejdž — suzasnavalnik Google
Łary Pejdž (sprava) na TED, fota Steve Jurvetson, Flickr.com
Tesla
Samaj zaŭvažnaj kampanijaj, u jakoj Łary Pejdž byŭ inviestaram, źjaŭlajecca Tesla (TSLA). Pejdž inviestavaŭ $40 młn u aŭtamabilnuju kampaniju Iłana Maska ŭ siaredzinie 2000-ch, za niekalki hadoŭ da taho, jak Mask staŭ suśvietna viadomym čałaviekam. Aŭtamabili źjaŭlajucca sapraŭdnaj žarściu Pejdža, kali źviarnuć uvahu na toje, u što inviestuje suzasnavalnik Google. Akramia Tesla, Łary inviestuje ŭ prajekt latučych aŭtamabilaŭ Kitty Hawk, a taksama akazvaje padtrymku inšamu startapu pad nazvaj Opener.
Kitty Hawk
Kampanija Kitty Hawk zajmajecca kanstrujavańniem i vytvorčaściu latučych aŭtamabilaŭ. Hałoŭnym inviestaram vystupaje Łary Pejdž. Pa słovach miljardera, jon ź nieciarpieńniem čakaje, kali zmoža zaleźci ŭ svoj latajučy aŭtamabil bieź jakich-niebudź prablem i palacieć. Da 2021 hoda kampanija źbirajecca zapuścić sietku latučych taksi ŭ Novaj Ziełandyi. U 2019 hodzie Kitty Hawk paciarpieła šerah niaŭdačaŭ, jakija źviazanyja ź siertyfikacyjaj biaśpieki latučych aŭtamabilaŭ. Łary daŭ kamientar z hetaj nahody i skazaŭ, što prablemy buduć likvidavany. Suma inviestycyj u prajekt nie vydajecca.
Iłan Mask — zasnavalnik Tesla i PayPal
Iłan Mask (sprava) na TED, fota Steve Jurvetson, Flickr.com
Vicarious i Google DeepMind
Pa słovach Maska, jon z aściarohaj hladzić na raźvićcio štučnaha intelektu (ŠI). U 2014 hodzie na štohadovym simpoziumie AeroAstra Centennial ad Masačusieckaha technałahičnaha ŭniviersiteta Mask paraŭnaŭ raźvićcio ŠI z «pokličam djabła». Tym nie mienš u dziejańniach Maska jość svaja łohika: prajekty, źviazanyja z raźvićciom štučnaha intelektu, spynić paprostu niemahčyma, a tamu, inviestujučy ŭ niekatoryja ź ich, Iłan Mask płanuje takim čynam «trymać ruku na pulsie» ŭ hetaj halinie.
«Vy ŭsie pamiatajecie siužety takich filmaŭ, jak «Terminatar», u jakich raźvićcio štučnaha intelektu vychodzić z-pad kantrolu. Treba pastaracca zrabić tak, kab nastupstvy raźvićcia ŭ hetaj halinie zastavalisia stanoŭčymi dla čałavieka», — padzialiŭsia aściarohami ŭ intervju vydańniu The Guardian Iłan Mask. Dakładnaja suma inviestycyj u prajekt nie nazyvajecca.
Džek Ma — zasnavalnik Alibaba Group (Aliexpress)
Džek Ma, fota Frederic Legrand, Shutterstock.com
China Resources Wandong Medical Equipment
Dziaržaŭnaja karparacyja, zasnavanaja ŭ 1955 hodzie ŭ jakaści centra pa raspracoŭcy i ŭkaranieńni sučasnych miedycynskich technałohij i vytvorčaści pieradavoha miedycynskaha abstalavańnia. Džek Ma robić staŭki na raźvićcio kitajskaha rynku miedycynskich pryład, bo z 2009 hoda rost hetaha rynku skłaŭ 30%, što zrabiła jaho druhim pa vieličyni paśla ZŠA. Inviestycyi ŭ kampaniju skłali $200 młn.
Ci mohuć zvyčajnyja ludzi, nie sa śpisa Forbes, stać inviestarami i pačać naroščvać svoj kapitał, układvajučy nievialikija srodki ŭ pierśpiektyŭnyja kampanii?
Nie praz roznych pasrednikaŭ kštałtu dylerskich centraŭ i brokierskich kampanij, jakija spahaniajuć niemałyja kamisijnyja i majuć vysoki paroh uvachodu ŭ inviestycyi, a napramuju? U tyja kampanii, u jakija siońnia inviestujuć vyšejpieraličanyja miljardery, inviestavać, nie kuplajučy dolu ŭ kampanii, niemahčyma, pakolki ich akcyi nie handlujucca na fondavych biržach. Adnak na rynku pa-raniejšamu vielizarny vybar kampanij i aktyvaŭ z šmatabiacalnym patencyjałam.
Kryptavalutnaja płatforma takienizavanych aktyvaŭ Currency.com, jakaja dziejničaje ŭ adpaviednaści z dekretam «Ab raźvićci ličbavaj ekanomiki», daje klijentam mahčymaść kupli bolš za 1300 tradycyjnych aktyvaŭ u takienizavanym vyhladzie: akcyi, fondavyja indeksy, ETF, valuty, ablihacyi i syravinnyja tavary. U tym liku takienizavanyja akcyi kampanij Amazon, Google, Tesla, PayPal, Facebook, Alibaba, a taksama inšych karparacyj.
Takienizavanyja aktyvy dajuć mahčymaść nie tolki rabić staŭku na rost abo padzieńnie koštu aktyvu, ale i vyvieści ich z płatformy na kryptavalutny kašalok, jaki padtrymlivaje standart kryptavaluty Ethereum — ERC20. Jak i ŭ vypadku z tradycyjnymi akcyjami, jakimi vałodajuć inviestary, na takienizavanyja akcyi Currency.com taksama naličvajucca dyvidendy.
Raznastajnaść finansavych instrumientaŭ i mahčymaść jak handlavać aktyvami, tak i kuplać ich, dazvalaje na prafiesijnym uzroŭni dyviersifikavać i chiedžyravać ryzyki.
Inviestycyi na finansavych rynkach nie dajuć vam harantyju atrymańnia prybytku — heta vysokaryzykoŭny vid dziejnaści, jaki nie rekamiendujecca pačynać na adzinyja źbieražeńni i tym bolš pazykovyja srodki. Pra heta nie varta zabyvać, bo navat samyja bahatyja ludzi płaniety, inviestary i zasnavalniki najbujniejšych karparacyj nieadnarazova sutykalisia sa stratami ŭ svajoj karjery.
I nahadvajem, što pośpiech papiarednich inviestycyj nie aznačaje pośpiech u budučyni.
Dadzieny artykuł nie źjaŭlajecca finansavaj kansultacyjaj.
