Minabarony Brytanii dało svaju acenku rasijskich strat u vajnie z Ukrainaj
Pavodle acenak brytanskaha ministerstva abarony, u čas uvarvańnia va Ukrainu 450 tysiač rasijskich vajskoŭcaŭ byli zabityja abo paranienyja, piša Defence Journal.
Ukrainskija sałdaty stralajuć z rasijskaj ciažkaj ahniamiotnaj rakietnaj ustanoŭki TAS-1A «Soncapiok», zachoplenaj bataljonam ukrainskaj armii «Da Vinčy», pa rasijskich pazicyjach na linii frontu blizu Kramiannoj, Łuhanskaja vobłaść. Fota: AP / Photo Libkos
«Pavodle našych acenak, kala 450 000 rasijskich vajskoŭcaŭ byli zabityja abo paranienyja, a dziasiatki tysiač užo dezierciravali z pačatku kanfliktu. Kolkaść zahinułych vajskoŭcaŭ, jakija słužyli ŭ rasijskich pryvatnych vajskovych kampanijach, niezrazumiełaja», — skazaŭ ministr abarony Brytanii Lea Dokierci.
Taksama jon daŭ acenku strataŭ techniki Rasijaj.
«Pavodle našych acenak, z pačatku kanfliktu bolš za 10 000 adzinak rasijskaj bronietechniki, uklučajučy amal 3 000 asnoŭnych tankaŭ, 109 samalotaŭ, 136 viertalotaŭ, 346 bieśpiłotnych latalnych aparataŭ, 23 vajskova-marskich sudna ŭsich kłasaŭ i bolš za 1 500 artyleryjskich sistem usich typaŭ byli źniščanyja, kinutyja ekipažam abo zachoplenyja ŭkrainskimi vajskoŭcami», — skazaŭ Dokierci.
Z pačatku vajny BBC razam z kalehami z vydańnia «Miedyjazona» zajmajecca pajmiennym padlikam zabitych na vajnie rasijan. Da krasavika hetaha hoda im udałosia ŭstanavić imiony 51096 rasijskich vajskoŭcaŭ, jakija zahinuli na vajnie va Ukrainie ź lutaha 2022 hoda.
Čytajcie taksama:
Piaskoŭ: Padstaŭ dla pieramovaŭ z Ukrainaj niama
Biełaruś nie atrymała zaprašeńnia da ŭdziełu ŭ Samicie miru ŭ Šviejcaryi — Alejnik
