Rybałovaŭ i palaŭničych Šunievič pieravučyć u snajpieraŭ
Były ministr unutranych spraŭ chvalicca, što kolkaść achvotnych pieravysiła jaho čakańni.
Ihar Šunievič. Skryn videa STB
Staršynia Biełaruskaha tavarystva palaŭničych i rybałovaŭ Ihar Šunievič raskazaŭ na STB, što achvotnych palaŭničych i rybałovaŭ pieranavučajuć u snajpieraŭ.
«Kali była pastaŭlena zadača vyznačyć svajo miesca ŭ sistemie nacyjanalnaj biaśpieki mienavita ŭzbrojenych ludziej, jakija siońnia składajuć asnovu Biełaruskaha tavarystva palaŭničych i rybałovaŭ, na dobraachvotnaj asnovie byŭ nakiravany mnoju list, paviedamić, chto žadaje. Ja vam tak skažu, pa sakrecie, što kolkaść žadajučych prajści pierapadrychtoŭku pa sistemie «Snajpier», skažam tak, pa adnoj z vajenna-ulikovych śpiecyjalnaściaŭ, pieravysiła ŭsie maje čakańni.
Tamu na siońnia stvarajecca sistema pa zadziejničańni takich śpiecyjalistaŭ, ich pieranavučańni, Ministerstva abarony hety praces užo arhanizavała», — padzialiŭsia Šunievič.
Ciapier u tavarystvie palaŭničych i rybałovaŭ naličvajecca kala 60 tysiač čałaviek.
Čytajcie taksama:
Samy dziorzki ministr: za što Łukašenka zvolniŭ Ihara Šunieviča
