У Душанбэ заявілі, што трое мужчын з арыенціровак не датычныя да тэракту
Двое цяпер знаходзяцца ў Таджыкістане.
Трое грамадзян Таджыкістана, копіі арыенціровак на якіх распаўсюдзіліся ў тэлеграм-каналах пасля тэракту ў «Крокус Сіці Холе», не датычныя да злачынства, заявіла МУС Таджыкістана, піша РБК.
Рываджыдзін Ісмонаў
Па даных ведамства, Рываджыдзін Ісмонаў і Махмадрасул Насрыдзінаў «26 лістапада 2023 года прыехалі з Расійскай Федэрацыі ў Рэспубліку Таджыкістан і знаходзяцца па месцы жыхарства». Ведамства таксама апублікавала іх фота.
Яшчэ адзін грамадзянін Таджыкістана, на якога распаўсюдзілася арыенціроўка, Рустам Назараў, працуе кіроўцам таксі ў Самары, паведаміла МУС.
«У момант здзяйснення тэрарыстычнага акту ён знаходзіўся ў горадзе Самара і не мае дачынення да злачынства», — падкрэсліла ведамства.
Пра тое, што ў тэракце падазраюць грамадзян Таджыкістана, пісалі тэлеграм-каналы Baza і «Осторожно, новости». Яны апублікавалі арыенціроўкі на чацвярых чалавек, уключаючы Ісмонава, Насрыдзінава і Назарава.
Кіраўнік савета Дзярждумы па інфармпалітыцы Аляксандр Хінштэйн распавёў, што ў Бранскай вобласці затрымалі двух падазраваных, а ў салоне аўтамабіля, на якім яны перасоўваліся, знайшлі пашпарты Таджыкістана. ФСБ і Следчы камітэт пазней таксама паведамілі пра затрыманне чацвярых магчымых удзельнікаў тэракту. Грамадзянства затрыманых ведамства не ўдакладнілі.
Чытайце таксама:
Што вядома пра беларуса Аліма Кашаварава, які знаходзіцца ў вельмі цяжкім стане пасля тэракту
Усе затрыманыя па падазрэнні ў тэракце ў «Крокусе» — грамадзяне Расіі
Затрыманы па справе тэракту ў «Крокус Сіці Холе» кажа, што застрэліў людзей за грошы
Колькасць загінулых у выніку тэракту ў «Крокус Сіці Холе» можа вырасці да 150 чалавек
