Людзі вярнуліся да чыстага продажу валюты
У лютым фізічныя асобы ў Беларусі выступілі чыстымі прадаўцамі замежнай валюты. Па выніках месяца яны прадалі на $168 млн больш, чым купілі. Пра гэта сведчаць статыстычныя звесткі Нацбанка, піша БелТА.
Агульны аб'ём набытай фізічнымі асобамі наяўнай і безнаяўнай замежнай валюты ў лютым склаў $753,1 млн, прададзенай — $921,1 млн. У цэлым за студзень-люты продаж фізічнымі асобамі наяўнай і безнаяўнай замежнай валюты перавысіў яе куплю на $154,1 млн.
Суб'екты гаспадарання — рэзідэнты Беларусі ў лютым выступілі ў ролі чыстых пакупнікоў замежнай валюты.
Зыходзячы са звестак Нацбанка, прадпрыемствы купілі на $209,1 млн валюты ў эквіваленце больш, чым прадалі. Агульны аб'ём набытай юрасобамі замежнай валюты ў лютым склаў $2,199 млрд, прададзенай — $1,99 млрд.
За студзень-люты купля юрыдычнымі асобамі замежнай валюты перавысіла яе продаж на $347 млн.
Чытайце таксама:
У Егіпце дэвальвавалі фунт амаль на 40%. Чаго чакаць беларускім турыстам?