Кітайскі электрамабіль праехаў больш за 1000 км ад адной зарадкі батарэі
Масавая вытворчасць новага акумулятара пачнецца ў красавіку 2024 года.
Фота: Nio
Электрамабіль кітайскага вытворцы Nio неўзабаве паступіць у продаж з «паўцвёрдым» акумулятарам магутнасцю 150 кВт·гадз (фактычна могуць быць выкарыстаныя 140 кВт·гадз). Такая магутнасць з'яўляецца найвялікшай сярод усіх легкавых аўтамабіляў, паведамляе Car News China. Каб прадэманстраваць вялікі запас ходу, генеральны дырэктар Nio Уільям Лі праехаў на прататыпе ET7 1044 км за 14 гадзін — дыстанцыя, якая перасягнула многія аўтамабілі з газавым рухавіком.
Тэст праводзіўся пры адносна нізкіх тэмпературах (ад -2 да 12 ℃) і трансляваўся ў жывым эфіры. Кіраванне рабілася ў асноўным у паўаўтаномным рэжыме (або Navigate-on-Pilot+, як гэта называе Nio) і з абмежаваннем хуткасці да 90 км/г. Сярэдняя хуткасць склала 83,9 км/г, поўны час у дарозе без уліку прыпынкаў склаў 12,4 гадзіны.
Фактычна акумулятар магутнасцю 150 кВт·гадз будзе даступны толькі асобна ад аўтамабіля (гэта практыкуецца з некаторымі кітайскімі аўтамабілямі, якія прадаюцца ў Еўропе). Раней кампанія заяўляла, што адзін толькі акумулятар будзе каштаваць столькі ж, колькі ўвесь аўтамабіль ET5 EV пачатковага ўзроўню — каля 42 000 даляраў.
Nio — вытворца люксавых электрамабіляў у Кітаі, які прапануе машыны без батарэі, дазваляючы аформіць штомесячную падпіску на акумулятар як паслугу. Гэтая паслуга таксама дазваляе вам у любы момант замяніць батарэю на больш магутную.
Акумулятар выраблены кампаніяй WeLion New Energy Technology, паведамляе Engaget. У паўцвёрдых батарэях выкарыстоўваюцца гелевыя, гліністыя або палімерныя электраліты, якія забяспечваюць большую шчыльнасць энергіі і вогнеўстойлівасць, чым сучасныя батарэі. Тым не менш яны ўсё яшчэ далёкія ад паўнавартасных цвёрдацельных акумулятараў, якія маглі б падвоіць шчыльнасць энергіі.
Чытайце таксама:
Toyota заяўляе, што яе электрамабілі наступнага пакалення будуць мець запас ходу 1000 км
Кітайскія акумулятары WeLion могуць змяніць правілы гульні ў аўтаіндустрыі
Новая акумулятарная тэхналогія можа зрабіць электрасамалёты рэальнасцю
