«З'ехалі пад шумок, каб знайсці сабе кавалераў у Еўропе». Ціманоўская пракаментавала навіну пра збіццё ўкраінак і трапіла ў скандал
Беларуская спартсменка Крысціна Ціманоўская, якая жыве ў Польшчы, у сацсетках адрэагавала на навіну пра збіццё ўкраінак у Варшаве. Бягуха дапусціла, што яны самі вінаватыя, чым выклікала хвалю хэйту. Ёй нават пачалі пагражаць фізічнай расправай.
У чым сутнасць навіны? У адным з паркаў польскай сталіцы на дзвюх украінак напалі непаўналетнія полькі з-за таго, што нібыта іх хлопцы глядзяць на іх. Адну з замежніц шпіталізавалі, хуліганак затрымалі.
Ціманоўская жа зрабіла з гэтай гісторыі свае ўласныя высновы: яна дапусціла, што ўкраінкі могуць быць вінаватыя ў тым, што іх пабілі. У спартсменкі па ўласным жыццёвым вопыце склалася ўражанне, што некаторыя (хутчэй за ўсё, маюцца на ўвазе ўкраінкі, якія з'ехалі ў першую чаргу ад вайны) апынуліся за мяжой, каб знайсці сабе кавалера.
«Дзіўна, што за 10 месяцаў я не чула ніводнай такой гісторыі пра беларусак», — дадае Ціманоўская.
Заявы публічнай асобы з 27 тысячамі падпісчыкаў не маглі не застацца незаўважанымі. Іх падхапілі шматлікія тэлеграм-каналы, у тым ліку тыя, на якіх падпісаныя каля мільёна чалавек.
На беларуску абрынулася хваля хэйту з пагрозамі фізічнай расправы, з-за якой яна была вымушаная закрыць свой інстаграм і змяніць аватарку. Па словах спартсменкі, яе слова перакруцілі.
У жніўні мінулага года Ціманоўская абурылася, што яе паставілі бегчы ў эстафеце 4 па 400 метраў, хаця яе профіль — кароткія дыстанцыі.
«Павер, я не сваю дупу ратую». Паглядзіце, як функцыянеры ўгаворвалі беларусаў змірыцца і не высоўвацца
Чыноўнікі і трэнеры хацелі замяць скандал і ўціхую адправіць бягуху дадому. Але, дзякуючы розгаласу і сусветнай падтрымцы, гэтага ўдалося пазбегнуць. Пасля Ціманоўская апынулася ў Польшчы.
Там дзяўчына стала здымаць тыктокі, у якіх смяялася з ябацек і іранізавала над сваім раптоўным ад'ездам з Беларусі. Яны шмат абмяркоўваліся ў сацсетках і падабаліся далёка не ўсім.
Тыктокі, дарэчы, цяпер недаступныя.
«Лепшае, што ты можаш зрабіць у Беларусі, — гэта з'ехаць з яе». Ціманоўская пра крындж у Тыктоку, бізнэс і «распакоўку асобы»
