Байдэн пакуль не гатовы абвясціць аб перамозе, але можа набраць нават 300 галасоў
Кандыдат у прэзідэнты ЗША ад Дэмакратычнай партыі Джо Байдэн заявіў, што па выніках галасавання разлічвае атрымаць больш галасоў выбаршчыкаў, чым 270, неабходных для перамогі. Пра гэта ён сказаў у звароце да сваіх прыхільнікаў.
«Мы на шляху да таго, каб выйграць больш за 300 галасоў выбаршчыкаў», — заявіў Байдэн. Па словах кандыдата, ён яшчэ не гатовы аб'явіць аб сваёй перамозе, аднак «лічбы ясна кажуць: мы [дэмакраты] выйграем гэтую гонку».
«Проста паглядзіце на тое, што адбылося з учорашняга дня. 24 гадзіны таму мы прайгравалі ў Джорджыі, цяпер мы наперадзе, і мы збіраемся перамагчы ў гэтым штаце», — адзначыў Байдэн.
Ён таксама заявіў, што выйграе галасаванне ў Пенсільваніі (20 галасоў членаў Калегіі выбаршчыкаў), Арызоне (11) і Невадзе (6), якія з'яўляюцца ключавымі штатамі.
Па падліках CNN, да цяперашняга моманту Байдэн абганяе свайго суперніка ад рэспубліканцаў, дзеючага прэзідэнта Дональда Трампа, на 28,8 тыс. галасоў у Пенсільваніі, на 29,8 тыс. у Арызоне, на 22,6 тыс. у Невадзе і на 4,3 тыс. — у Джорджыі.
Пакуль у Байдэна 254 галасы ў Калегіі выбаршчыкаў, у Трампа — 214.
