Na aŭkcyjon vystaŭlenyja lehiendarnyja banknoty sa Skarynam i Bahdanovičam, jakija tak i nie trapili ŭ abarot FOTY
Na bujnym amierykanskim aŭkcyjonie, jaki pravodzicca Stack's Bowers Galleries byŭ vystavili ŭnikalny łot, jaki źjaŭlajecca histaryčnaj relikvijaj dla Biełarusi, paviedamlaje sajt BiełBanistyka.
Sa startam $6000 byŭ vystaŭleny poŭny nabor banknot-uzoraŭ «mifičnych» biełaruskich banknot z partretam Kupały i Skaryny, hierbam Pahonia i Bieł-čyrvona-biełym ściaham. Hetyja banknoty byli nadrukavanyja ŭ 1994 hodzie ŭ Hiermanii kampanijaj Giesecke & Devrient, ale pakul jany «dajechali» da Biełarusi, paśpieli źmianicca dziaržaŭny hierb i ściah. Z-za hetych padziej tyraž hetych banknot byŭ źniščany.
Usie banknoty, vystaŭlenyja na aŭkcyjonie Stack's Bowers Galleries biez najmienšaha sumnievu źjaŭlajucca sapraŭdnymi, bo prajšli praceduru ekśpiertnaj pravierki. Usie 6 banknot pradavalisia adnym łotam sa startavaj canoj $6000, ale achvotnych zrabić startavuju staŭku nie znajšłosia. Ale dziakujučy Stack's Bowers Galleries šyrokaj hramadskaści stali dastupnyja jakasnyja vyjavy ŭsich 6 naminałaŭ lehiendarnaha źniščanaha vypusku biełaruskich banknot.
Na 1 rubiel namalavanaja Kamianieckaja vieža, na 5 rublach — Spasa-Jeŭfrasińnieŭskaja carkva ŭ Połacku. 10 rubloŭ ŭpryhožvaje partret Jakuba Kołasa, 20 rubloŭ — partret Janki Kupały, 50 rubloŭ — partret Maksima Bahdanoviča, a na samym bujnym naminale ŭ 100 rubloŭ źmieščany partret Francyska Skaryny.
