Homielskija čyhunačnyja dyzieli ŭžo nie mohuć pierasoŭvacca samastojna. U čym pryčyna?
Dziŭnuju karcinu stali nazirać žychary Homielskaj vobłaści apošnim časam: sastavy rehijanalnych dyziel-ciahnikoŭ ciahnuć pa maršrucie dadatkovyja łakamatyvy. Heta značyć, svaim chodam, jak naležyć, dyzieli pierasoŭvacca ŭžo nie mohuć. Čamu tak, vyśvietliŭ «Fłahštok».
Fota: railgallery.ru
Havorka idzie pra dyziel-ciahniki roznych madyfikacyj sieryj DR1 vytvorčaści Ryžskaha vahonabudaŭničaha zavoda. U pryvatnaści — heta dyziel-ciahnik sieryi DR1B, raspracavanaj śpiecyjalna pa zamovie Biełaruskaj čyhunki.
Pieršyja takija dyziel-ciahniki pastupili ŭ depo «Homiel» u 2006 hodzie i pieršapačatkova absłuhoŭvali maršrut z abłasnoha centra da Minska. Taksama dyziel-ciahniki DR1B pracavali na pryharadnych i transhraničnych maršrutach (Homiel — Čarnihaŭ, Homiel — Ščors, Homiel — Bransk), a zatym stali kursiravać pa maršrucie Homiel — Kalinkavičy — Homiel.
Adzin z takich dyziel-ciahnikoŭ imianny — DR1B-505 atrymaŭ imia «Alena Čuchniuk», byŭ prypisany da łakamatyŭnaha depo «Homiel» i vyznačany dla kursiravańnia pa maršrucie Homiel — Mahiloŭ i na inšych napramkach. Mienavita jaho, u tym liku, i sfatahrafavali razam z dapamožnym łakamatyvam — śviežaje fota datavana 3 maja 2024 hoda.
Charakterna, što litaralna ŭ krasaviku hety dyziel-ciahnik prachodziŭ kapramont na łakamatyŭnym depo «Lida». Adnak i paśla hetaha ruchacca svaim chodam jon nie moža.
Pa źviestkach «Fłahštoka», pryčyna — u niaspraŭnych dyzielnych ustanoŭkach vytvorčaści rasijskaha pradpryjemstva «Źviezda», jakimi byli abstalavanyja sastavy, vyrablenyja na Ryžskim zavodzie.
«Akramia vysokaj stupieni znosu dyziel-ciahnikoŭ (asobnyja ciahniki ekspłuatujucca zvyš 40 hadoŭ), ciapier dadałasia masavaja prablema ź niaspraŭnymi dyzielnymi ŭstanoŭkami vytvorčaści PAO «Źviezda». Vialikaja kolkaść ryžskich dyziel-ciahnikoŭ DR1A i DR1B užo nie mohuć samastojna ruchacca pa maršrutach i majuć patrebu ŭ vykarystańni dapamožnaha łakamatyva», — prakamientavała situacyju «Fłahštoku» krynica.
Dakładnaja pryčyna prablemy z zamienaj ruchavikoŭ nieviadomaja. Surazmoŭca «Fłahštoka» vykazaŭ zdahadku, što BČ nie moža zakupić novyja dyzielnyja ŭstanoŭki ŭ pieciarburhskaha pradpryjemstva, pakolki jano mocna padniało na ich ceny i vyrablaje ŭ abmiežavanaj kolkaści.
Fota: railgallery.ru
Fota: railgallery.ru
Fota: railgallery.ru
Na kancavoj stancyi ciepłavoz davodzicca pieračeplivać da hałavy ciahnika. U roznych vypadkach dyziel-ciahniki ciahnuć pa maršrucie mahistralnym abo manieŭrovym ciepłavozam, adpaviednyja fota rehularna źjaŭlajucca ŭ pabliku «Biełaruskaja čyhunka | BČ».
Čytajcie taksama:
Ci mahčyma adnavić ruch ciahnikoŭ ź Biełarusi ŭ Jeŭropu?
U čyhunačnikaŭ zabrali lhoty na prajezd
Pamiž Minskam i Maskvoj chočuć puścić čartarnyja ciahniki, kab rasiejcam jeździć na karparatyvy
