Chakiery ŭzłamali bazu danych Minabarony Vialikabrytanii
Chakiery ŭzłamali bazu z asabistymi źviestkami vajskoŭcaŭ i supracoŭnikaŭ brytanskaha Ministerstva abarony. Pavodle nieaficyjnych źviestak, u aŭtorak urad prainfarmuje ab hetym zdareńni deputataŭ parłamienta, piša Bi-bi-si.
Pakul niama źviestak, chto stajaŭ za ŭzłomam. Sky News śćviardžaje, što, choć urad nie stanie nazyvać kankretnuju krainu, pavodle jaho infarmacyi, hetyja chakiery źviazanyja z uładami Kitaja.
Chakiery atrymali dostup da sistemy, u jakoj zachoŭvajucca zarpłatnyja viedamaści i numary bankaŭskich rachunkaŭ vajskoŭcaŭ.
U nievialikaj kolkaści vypadkaŭ havorka moža iści i pra chatnija adrasy.
Va ŭzłamanaj sistemie, jakuju ŭtrymlivaje źniešni padradčyk Ministerstva, źmiaščałasia asabistaja infarmacyja ciapierašnich i byłych słužačych armii, fłotu i pavietranych sił Brytanii ŭ formie dakumientaŭ, jakija padajucca ŭ padatkovuju słužbu.
Pakolki havorka idzie pra ŭzłom kampjutaraŭ vonkavaha padradčyka, to dostupu da apieratyŭnaj infarmacyi Ministerstva abarony chakiery nie atrymali.
Ministerstva, vyjaviŭšy ŭzłom, nieadkładna pryniało miery i adklučyła sistemu ad źniešniaha dostupu.
