Kanał biełaruskich siłavikoŭ rekłamuje fejkavy telehram-kanał Pucina. Nazyvajuć «našym prezidentam»
Publikacyja visić na kanale dahetul.
Skrynšot z kanała «Biełaruski siłavik»
Učora ŭviečary ŭ telehram-kanale «Biełaruski siłavik», jaki, imavierna, viaduć supracoŭniki biełaruskich śpiecsłužbaŭ, źviazanyja z HUBAZiK abo ŭnutranymi vojskami, źjaviŭsia rekłamny dopis pra «adkryćcio telehram-kanała Pucina». U dopisie jaho nazyvajuć «Prezidentam» ź vialikaj litary i pišuć, što na jaho «padpisanyja sotni tysiač našych hramadzianaŭ».
Skrynšot z kanała «Biełaruski siłavik»
Nasamreč, heta nie pieršaja pamyjnaja rekłama ad hetaha kanała. Letaś «Biełaruski siłavik» uvohule rekłamavaŭ «cudy lačeńnia ad raku z dapamohaj kitajskaha čaju».
Dopis z kanała «Biełaruski siłavik». Fota: tgstat
Sam kanał «Biełaruski siłavik» zajmaje ahresiŭnuju prarasijskuju pazicyju, publikuje antyŭkrainskija dopisy i radujecca pieramoham Rasii. Taksama tam rekłamujucca resursy Z-vajenkoraŭ, HUBAZiK i inšych biełaruskich siłavikoŭ.
«Naša Niva» — bastyjon biełaruščyny
PADTRYMAĆČytajcie taksama:
Milicejski telehram-kanał, dzie publikujuć videa z represavanymi, vypadkova vydaŭ svaich adminaŭ
