Mukavozčyk paprasiŭ prabačeńnia za svajo chamstva
Bolš za 200 biełaruskich advakataŭ patrabujuć, kab «Sovietskaja Biełoruśsija» vydaliła z sajta kałonku Andreja Mukavozčyka, a ŭzamien apublikavała jaho publičnyja prabačeńni.
Andrej Mukavozčyk
Jurysty aburanyja publikacyjaj «Časam vielmi chočacca ŭziać i z chrustam upravić mazhi tym, kaho viedaŭ. Pastavić ich na miesca… A raptam?» na sajcie vydańnia.
U joj Mukavozčyk razvažaŭ pra sud nad muzykantam Paŭłam Arakielanam i nazvaŭ pracu advakata Arakielana «podleńkaj».
Biełaruskaja respublikanskaja kalehija advakataŭ paviedamiła, što Mukavozčyk pryvatna paprasiŭ prabačeńnia ŭ advakata i pryznaŭ svaje słovy niedapuščalnymi.
Jurysty ličać heta niedastatkovym, bo navat słova «podleńki» na sajcie «Sovietskoj Biełorusii» pakinuli.
U svaim kalektyŭnym zvarocie advakaty vystaŭlajuć piać patrabavańniaŭ:
- Pravieści pravierku ŭ adnosinach publikacyi.
- Abvierhnuć infarmacyju pra toje, što advakackaja dziejnaść źjaŭlajecca «podleńkaj».
- Zapatrabavać ad Mukavozčyka publičnych prabačeńniaŭ.
- Pryciahnuć da dyscyplinarnaj adkaznaści tych, chto dapuściŭ raźmiaščeńnie publikacyi.
- Vydalić publikacyju.
