U Minsku za prastytucyju zatrymali 14-hadovuju školnicu
Dziaŭčynka — sa šmatdzietnaj siamji, što stajała na ŭliku jak sacyjalna niebiaśpiečnaja.
Jak piša SK, 14-hadovaja dziaŭčynka paznajomiłasia ŭ telehramie z 18-hadovym chłopcam u sakaviku 2023 hoda. Novaśpiečany siabar prajaviŭ zacikaŭlenaść žyćciom školnicy: jaho chvalavała, jak žyvie padletak, ci ładzić jana z baćkami.
Dziaŭčynka pražyvała ŭ Smalavičach i vychoŭvałasia ŭ šmatdzietnaj siamji, jakaja znachodzicca ŭ sacyjalna niebiaśpiečnym stanoviščy. Maci z ajčymam rehularna pili ałkahol, a dzieci znachodzilisia biez naležnaha nahladu.
Chłopiec raskazaŭ, što možna zarabić kišennyja hrošy, akazvajučy pasłuhi intymnaha charaktaru. Arhanizacyju dziejnaści braŭ na siabie: administravańnie staronki na adpaviednym internet-sajcie, padbor i pravierka klijentaŭ, a taksama davańnie kvatery dla sustreč. Pieršapačatkova dziaŭčynka admoviłasia, ale praź niekalki miesiacaŭ paśla surjoznaha kanfliktu z maci vyrašyłasia na hety krok.
U mai 2023 hoda padletak pajechała na svaju pieršuju zamovu. Paśla akazańnia pasłuh seksualnaha charaktaru dziaŭčynka zarabiła 200 dołaraŭ ZŠA, pałovu ź jakich addała svajmu «najmalniku». Atrymaŭšy takuju vialikuju sumu, niepaŭnaletniaja achvotna zhadžałasia na nastupnyja prapanovy.
Jak piša SK, u svaim «zaniatku» školnica nie bačyła ničoha zahannaha. Jana praciahvała chadzić na vučobu, a ŭ vychodnyja jeździła na «pracu» ŭ Minsk. Baćki nie nadali značeńnia rezkaj samastojnaści dziciaci, a naadvarot maci chvaliła dačku i dziakavała za finansavuju padtrymku siamji.
U śniežni 2023 hoda dziaŭčynu zatrymali na zakazie. Pry vobšuku, pavodle SK, u školnicy apieratyŭniki vyjavili miefiedron masaj 0,10 hrama.
Pa vynikach rasśledavańnia dziejańni chłopca kvalifikavany pa č. 2 art. 171 (arhanizacyja i vykarystańnie dla zaniaćcia prastytucyjaj zaviedama niepaŭnaletniaha) i pa č. 2 art. 171-1 (uciahvańnie ŭ zaniatak prastytucyjaj, učynienaje paŭtorna) Kryminalnaha kodeksa.
sdochni tam v kanavie, mraź.