Papularny ŭ biełarusaŭ kurort adkłaŭ adkryćcio siezona na miesiac
Zvyčajna aficyjnaje adkryćcio siezona ŭ tureckim Bodrumie, raźmieščanym na bierazie Ehiejskaha mora, adbyvajecca ŭ pieršy dzień traŭnia, ale ŭ hetym hodzie mierapryjemstvy ssunutyja na miesiac napierad. Pra heta paviedamiŭ Respublikanski sajuz turystyčnych arhanizacyj.
Fota: toursoyuz.by
Jak paviedamlajecca, toje, što ŭ hetym hodzie kamfortnaje dla plažnaha adpačynku nadvorje ŭstalujecca ŭ Bodrumie paźniej, čym zvyčajna, źjaŭlajecca tolki adnoj z pryčyn.
Uładalniki miascovych hatelaŭ skardziacca na finansavyja ciažkaści, jakija ŭźnikli z-za inflacyjnych pracesaŭ, a taksama źnižeńnia płyni turystaŭ.
Ekśpierty ličać, što Bodrum, jaki doŭhi čas pazicyjanuje siabie jak bolš darahi i prestyžny kurort, aryjentavany na zamožnaha jeŭrapiejskaha turysta, nie ŭpisvajecca ŭ ciapierašnija realii.
Pa statystycy, u pieršym kvartale lidarami pa patoku turystaŭ u Turcyju stali nie anhličanie, na jakich kaliści aryjentavaŭsia Bodrum, a irancy.
Čytajcie taksama:
Daražej, čym pa Mižziemnym mory. Na Paleśsi jość račny kruiz, kvitki na jaki nie dastać
