Mer Minska: Ludzi skardziacca, što nie majuć mahčymaści spakojna znachodzicca ŭ dvarach, tam šmat nieviadomych ludziej
Staličnyja ŭłady rehularna atrymlivajuć skarhi ad haradžan i prośby viarnuć paradak i spakoj u dvary. Pra heta paviedamiŭ siońnia žurnalistam mer Minska Uładzimir Kucharaŭ, pieradaje BiełTA.
Fota Nadziei Bužan.
«My atrymlivajem vialikuju kolkaść skarhaŭ z boku nasielnictva, jakija pastupajuć i ŭ Minski harvykankam, i ŭ harsaviet deputataŭ. Ludzi skardziacca, što nie majuć mahčymaści spakojna znachodzicca ŭ dvarach. Tam vialikaja kolkaść nieviadomych ludziej, stoŭpatvareńnie, kryki, jakija pieraškadžajuć adpačyvać. Zaniatyja dziciačyja i spartyŭnyja placoŭki — dzieci nie mohuć tudy patrapić. Hetyja mierapryjemstvy niezakonnyja. i buduć prymacca miery pa ich spynieńni», — skazaŭ Uładzimir Kucharaŭ.
Jon taksama zaklikaŭ nieabyjakavych minčan dapamahać kamunalnym słužbam u źbieražeńni i naviadzieńni paradku na prydamavych terytoryjach i na vulicach horada.
