U MUS rastłumačyli, što moža pahražać za repost z zabieronienaha kanała
Siońnia sud Centralnaha rajona Minska pa inicyjatyvie HUBAZiK MUS pryznaŭ telehram-kanał Ściapana Puciły i łahatyp ekstremisckimi materyjałami. Rašeńnie pryniata 20 kastryčnika na padstavie zaklučeńnia Respublikanskaj ekśpiertnaj kamisii.
— Z hetaha času apublikavańnie abo raźmiaščeńnie, u tym liku sposabam pierapostu, infarmacyi z łahatypam abo z kanała ciahnie za saboj administracyjnuju adkaznaść za raspaŭsiud, vyrab, zachoŭvańnie, pieravozku infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść (č. 2 art. 17.11, štraf ad 10 da 50 bazavych abo administracyjny aryšt).
U HUBAZiK MUS adznačyli, što rebrendynh telehram-kanała i źmiena łahatypa nie stanie padstavaj dla vyklučeńnia ich sa śpisu ekstremisckich materyjałaŭ.
Ciapier apieratyŭniki naceleny na vyjaŭleńnie raspaŭsiudžvalnikaŭ zabaronienaj infarmacyi. Sił i srodkaŭ na heta chapaje, zapeŭnili ŭ HUBAZiK MUS, havorycca ŭ paviedamleńni.
