Pratestoŭcy ŭ Kyrhyzstanie vyzvalili eks-prezidenta Atambajeva ź SIZA, zaniali Administracyju prezidenta i Dom urada
Eks-prezident Kyrhyzstana Ałmaźbiek Atambajeŭ byŭ vyzvaleny ŭ aŭtorak demanstrantami ź SIZA Dziaržaŭnaha kamiteta nacyjanalnaj biaśpieki (DKNB), paviedamlaje TASS.
Palityk vyjšaŭ na svabodu paśla pieramoŭ hrupy mitynhoŭcaŭ z kiraŭnictvam DKNB. Pierad hetym pratestoŭcy, nie zhodnyja z vynikami parłamienckich vybaraŭ, zachapili budynak, dzie mieścicca administracyja prezidenta i parłamient. Taksama zaniaty budynak, dzie mieścicca ŭrad Kyrhyzstana.
Atambajeŭ uznačalvaŭ krainu z 2011 pa 2017 hod. Jon byŭ zatrymany 8 žniŭnia 2019 hoda ŭ svajoj rezidencyi ŭ vioscy Koj-Taš Čujskaj vobłaści. Jamu vystavili abvinavačvańni va ŭžyvańni hvałtu ŭ dačynieńni da supracoŭnikaŭ pravaachoŭnych orhanaŭ, arhanizacyi masavych biesparadkaŭ, arhanizacyi zabojstva, zachopu zakładnikaŭ, karupcyi.
Atambajeŭ nieadnarazova zajaŭlaŭ, što ličyć hetyja abvinavačvańni palityčnym pieraśledam.
