Пратэстоўцы ў Кыргызстане вызвалілі экс-прэзідэнта Атамбаева з СІЗА, занялі Адміністрацыю прэзідэнта і Дом урада
Экс-прэзідэнт Кыргызстана Алмазбек Атамбаеў быў вызвалены ў аўторак дэманстрантамі з СІЗА Дзяржаўнага камітэта нацыянальнай бяспекі (ДКНБ), паведамляе ТАСС.
Палітык выйшаў на свабоду пасля перамоў групы мітынгоўцаў з кіраўніцтвам ДКНБ. Перад гэтым пратэстоўцы, не згодныя з вынікамі парламенцкіх выбараў, захапілі будынак, дзе месціцца адміністрацыя прэзідэнта і парламент. Таксама заняты будынак, дзе месціцца ўрад Кыргызстана.
Атамбаеў узначальваў краіну з 2011 па 2017 год. Ён быў затрыманы 8 жніўня 2019 года ў сваёй рэзідэнцыі ў вёсцы Кой-Таш Чуйскай вобласці. Яму выставілі абвінавачванні ва ўжыванні гвалту ў дачыненні да супрацоўнікаў праваахоўных органаў, арганізацыі масавых беспарадкаў, арганізацыі забойства, захопу закладнікаў, карупцыі.
Атамбаеў неаднаразова заяўляў, што лічыць гэтыя абвінавачванні палітычным пераследам.
