MUS choča karać baćkoŭ, jakija biaruć dziaciej na pratesty
Ministerstva ŭnutranych spraŭ Biełarusi inicyjuje ŭviadzieńnie adkaznaści za naŭmysnaje ŭciahvańnie dziaciej u pratesnuju dziejnaść. Pra heta paviedamiŭ siońnia žurnalistam pieršy namieśnik ministra ŭnutranych spraŭ Hienadź Kazakievič, pieradaje BiełTA.
«My vystupili ź inicyjatyvaj pa ŭviadzieńni administracyjnaj adkaznaści baćkoŭ za naŭmysnaje ŭciahvańnie dziaciej u pratesnuju dziejnaść, niezakonnyja masavyja mierapryjemstvy. Heta źjaŭlajecca pahrozaj nie dla dziaržavy, a dla dziaciej, jakich nierazumnyja baćki sprabujuć da hetaj spravy padvieści», — skazaŭ Hienadź Kazakievič.
Hienadź Kazakievič adznačyŭ, što na pratesnyja akcyi vielmi mnohija hramadzianie prychodziać sa svaimi dziećmi. Pavodle jaho słoŭ, jość navat «vyklučna cyničnyja» ŭčynki, kali baćki vystaŭlajuć svaich dziaciej pierad milicejskimi kardonami.
«Zabiaśpiečyć biaśpieku dziciaci ŭ takoj situacyi niemahčyma. Luboje chistańnie natoŭpu — i hetyja dzieci buduć prosta razmazany. Chtości z baćkoŭ pra heta dumaje?» — spytaŭ pieršy namieśnik ministra.
