U Vienhryi 12-hadovaja dziaŭčynka napała na adnakłaśnicu z nažom
U napadnicy byŭ znojdzieny śpis ź imionami jaje adnakłaśnikaŭ, u jakim čyrvonym koleram byli adznačany tyja, kaho jana, vierahodna, taksama chacieła zabić
Vučanica 6-ha kłasa pryniesła nož z domu i spačatku schavała jaho pad partaj. Udar byŭ naniesieny ŭ śpinu nažom daŭžynioj kala 20 sm — u vobłaść serca, piša Bild.
Ciažkaparanienuju dziaŭčynku zmahli vyratavać: paśla ekstranaj apieracyi jaje stan stabilny, mahčyma, praz 10 dzion jana ŭžo zmoža pakinuć balnicu.
U palicyi zajavili, što ŭ napadnicy byŭ znojdzieny śpis ź imionami jaje adnakłaśnikaŭ, u jakim čyrvonym koleram byli adznačany tyja, kaho jana, vierahodna, taksama chacieła zabić. Pa źviestkach ŚMI, u śpisie taksama značylisia brat achviary i dźvie stryječnyja siastry.
U škole paviedamili, što jana była starannaj, cichaj vučanicaj i nikoli nie adroźnivałasia ahresiŭnymi pavodzinami. Palicyja pakul nie kamientuje mahčymyja matyvy ŭčynku dziaŭčynki.
Jana znachodzicca ŭ centry časovaha ŭtrymańnia niepaŭnaletnich: u palicyi ličać, što, zychodziačy sa znojdzienaha śpisu, nielha vyklučyć, što jana ŭčynić novyja złačynstvy.
Čytajcie taksama:
U Varšavie napali na biełarusku, u jaje traŭma hałavy
U Minsku bajcoŭskija sabaki napali na chłopca ź invalidnaściu, ludzi ledź uratavali