Kolkaść naviedvalnikaŭ bankaŭskich adździaleńniaŭ u Biełarusi źniziłasia ŭ sakaviku na 10%
Biełarusy stali radziej chadzić u adździaleńni bankaŭ na fonie raspaŭsiudžvańnia karanavirusnaj infiekcyi i tendencyi da samaizalacyi. Šmat chto syšoŭ u anłajn. Takoj statystykaj padzialiŭsia BPS-Śbierbank na asnovie analizu danych elektronnaj čarhi ŭ bolš za 50 ofisach pa ŭsioj krainie.
Adździaleńnia praciahvajuć pracavać, ale kožny dziasiaty ŭ sakaviku vyrašyŭ zastacca doma i vyrašać pytańni ŭ anłajnie. Pry hetym rezka pavysiłasia aktyŭnaść karystalnikaŭ mabilnaha i internet-banka. Zaadno biełarusy stali čaściej afarmlać virtualnyja karty — na tracinu bolš u sakaviku, čym u lutym.
U samich adździaleńniach źjaviłasia raźmietka dla zachavańnia sacyjalnaj dystancyi ŭ 1,5 mietra. Ludziej starejšaha ŭzrostu ciapier absłuhoŭvajuć pa-za čarhoj. Na bačnym miescy — sanitajziery, supracoŭniki pracujuć u maskach i palčatkach, a ŭsie kantaktnyja pavierchni niekalki razoŭ u dzień apracoŭvajuć dezynfikujučymi srodkami.