U Viciebsku sfarmavali jašče adzin atrad śpiecnazu. Užo apošni?
Pavodle infarmacyi manitorynhavaj hrupy «Biełaruski Hajun», na bazie 7-j asobnaj śpiecyjalnaj milicejskaj bryhady (v/č 5524, Viciebsk i inšyja nasielenyja punkty vobłaści) sfarmavany atrad śpiecyjalnaha pryznačeńnia «Viciaź».
Fota ilustracyjnaje z th-kanała ŭnutranych vojskaŭ
Atrad staŭ trynaccatym padobnym padraździaleńniem u struktury ŭnutranych vojskaŭ. Dahetul Viciebskaja vobłaść zastavałasia apošniaj, dzie nie było svajho ŭłasnaha atrada śpiecnazu.
Aficyjnaja prezientacyja padraździaleńnia, vierahodna, adbudziecca ŭ najbližejšy čas. Mierapryjemstva moža być prymierkavana, naprykład, da 9 maja ci da 3 lipienia.
«Biełaruski Hajun» ličyć, što pakolki va ŭsich złučeńniach unutranych vojskaŭ raniej užo byli sfarmiravany atrady śpiecnaza, to možna čakać, što praces farmiravańnia novych (u ciapierašnim farmacie) ciapier budzie prypynieny.
Čytajcie taksama:
U Minsku pamior 40-hadovy vieteran śpiecnazu
U Mahilovie sa stralboj adkryli atrad śpiecnaza ŭnutranych vojskaŭ — užo 12-y pa liku
