Sprava ab źniknieńni šampuniu skončanaja: «Junactva» i «Malmio» nie majuć pretenzij adzin da adnaho
Kiraŭnictva biełaruskaha «Junactva» i šviedskaha «Malmio» ŭłahodzili kanflikt, jaki ŭźnik paśla źniknieńnia z raspranalni skandynavaŭ ručnikoŭ, šampunia i čajnika, piša tut.by.
«Malmio» źvinavaciŭ u hetym «Junactva», a hiendyrektar minčan u adkaz zapatrabavaŭ ad šviedaŭ prabačeńniaŭ.
Paźniej vyśvietliłasia, što pytańnie budzie vyrašacca ŭžo ŭ Minsku napiaredadni matču ŭ adkaz. Takaja sustreča ŭ vyniku adbyłasia. Šviedaŭ pradstaŭlaŭ hienieralny mieniedžar Patryk Sulviehord, biełaruski kalektyŭ - vykanaŭca abaviazkaŭ staršyni kłuba Alaksiej Torbin, taksama prysutničali hienieralny dyrektar chakiejnaj Lihi čempijonaŭ Marcin Bauman i pradstaŭniki Fiederacyi chakieja.
U časie sustrečy abmiarkoŭvalisia pytańni ŭzajemaadnosin i supracoŭnictva. Jak paviedamlaje aficyjny sajt minčan, sustreča prajšła ŭ ramkach uzajemapavahi i kanstruktyŭnaha vyrašeńnia lubych pytańniaŭ. Kłuby pryjšli da vysnovy, što apošnija ŭkidy ŭ ŚMI nie adpaviadajuć rečaisnaści, jak pra heta raniej zajaŭlaŭ staršynia chakiejnaha kłuba «Junactva-Minsk» Alaksiej Torbin, čyje słovy i paćvierdzilisia na sustrečy. Vynikam dyjałohu stała rašeńnie, što kłuby nie majuć pretenzij adzin da adnaho.
