Šviedski kłub «Malmio» źvinavaciŭ minskaje «Junactva» ŭ kradziažy ručnikoŭ, čajnika i šampunia
Mieniedžar chakiejnaha kłuba «Malmio» Endzi Fahierstrom raźmiaściŭ u svaim tvitary fatahrafii haściavoj pieraapranalni paśla matču Lihi čempijonaŭ z «Junactvam». Pa słovach supracoŭnika šviedskaha kłuba, jon vyjaviŭ źniknieńnie ručnikoŭ, šampunia i čajnika, piša tut.by.
Det är kul att ha ryska lag på besök, rättare sagt vitryssar från Minsk, soprent i tejplådorna och rensat varje hörn i skafferiet.......... pic.twitter.com/pLC8kFVJmv
— Heta dzika. Darečy, u hateli jany taksama adznačylisia. Kłub pavinien niejak adkazać za heta. Kradziež nijak nie suadnosicca ŭ mianie z uzroŭniem Lihi čempijonaŭ, — skazaŭ u intervju najbujniejšaj haziecie Šviecyi Aftonbladet dyrektar «Malmio» Patryk Silviehord.
Spartovy dyrektar Lihi čempijonaŭ Bo Lenartsan zajaviŭ šviedskamu vydańniu, što raspačataje rasśledavańnie incydentu.
— Tak, my raźbirajemsia z hetym. Nie viedaju ŭsich detalaŭ, ale z taho, što mnie viadoma, usio vielmi surjozna.
— Vy ŭžo źviazvalisia z «Junactvam»?
— Tak, naš ofis u Cuhu kantaktuje ź imi.
— Heta značyć Liha surjozna pastaviłasia da epizodu?
— Viadoma! Z dapamohaj turniru my ž sprabujem pabudavać jeŭrapiejskuju chakiejnuju supolnaść, ścierci miežy pamiž krainami. Toje, što adbyłosia, — absalutna niedapuščalna.
Matč zaviaršyŭsia pieramohaj «Malmie» ź likam 4:1.
