Kaciaryna Snycina zhulaje apošni matč u karjery 19 maja, a paśla zaprašaje pahulać ź joj biełarusaŭ
Słavutaja biełaruskaja baskietbalistka Kaciaryna Snycina, jakaja niadaŭna z brytanskim kłubam «Łondan Łajans» vyjhrała baskietbolny Jeŭrakubak, zajaviła pra zakančeńnie prafiesijnaj spartyŭnaj karjery. Apošni matč jana praviadzie 19 maja, a paśla ŭ jaje jość dla łondanskich biełarusaŭ cikavaja prapanova.
Kaciaryna Snycina. Skrynšot ź videa
«Darahija biełarusy Łondana! Užo druhi siezon vy prychodzicie na maje hulni i padtrymlivajecie mianie ad usioj dušy
19 maja na O2 arenie projdzie zaklučny matč majoj baskietbolnaj karjery, a 25 maja kala O2 areny (Design District, SE10 OBQ ) ja zaprašaju pahulać užo vas samich!
My kłasna pahulali minułym letam, a hetym letam ja znajšła dla nas cudoŭnuju placoŭku, dzie budziem tolki my! Pačatak u 11:00», — napisała Snycina.
Dla taho, kab zarehistravacca na mierapryjemstva, abaviazkova treba zapoŭnić admysłovuju huhł-formu.
Udzielničać z hulni moža luby, niezaležna ad uzrostu i fizičnaha stanu, hałoŭnaje, kab było žadańnie.
Čytajcie taksama:
Kaciaryna Snycina z «Łondan Łajans» vyjhrała baskietbolny Jeŭrakubak
Kaciaryna Snycina ŭvajšła ŭ top-3 pa nabranych ačkach u historyi Jeŭrakubka
Kaciaryna Snycina paśla zakančeńnia hetaha siezona zavieršyć karjeru
