Zanadta karotkija šorty žurnalistki stali pryčynaj skandału ŭ Viarchoŭnaj Radzie Ukrainy FOTA
Ukrainski internet užo niekalki sutak abmiarkoŭvaje šorty žurnalistki telekanała 1+1 Jarasłavy Koby, u jakich jana pryjšła zapisvać pieradaču ŭ Viarchoŭnuju Radu Ukrainy.
Na adzieńnie Koby źviarnuła ŭvahu pamočnica deputata, žurnalistka Alena Jachno. «A što? Narmalnyja takija dziełavyja šorty! — iranizuje Jachno. — U časy majoj maładości z Rady pahnali pamočnicu, jakaja pryjšła ŭ… baa. Ciapier u hetym bardeli možna ŭsio».
U prypiscy Jachno adznačyła, što žurnalistka, jak vyśvietliłasia, robić nie zabaŭlalnuju pieradaču, a infarmacyjna-analityčnuju.
«Ja nie źbirajusia apraŭdvacca za svaje šorty i za svaje, jak vy pišacie, karotkija toŭstyja nohi. Mnie padabajucca maje šorty i maje karotkija nohi», — adkazała ŭ fejsbuku sama Jarasłava Koba.
«U hetym płanie ja vielmi samadastatkovaja. Chto cikavicca, ci šukaju ja «papika» ŭ Viarchoŭnaj Radzie, adkažu: «Nu, viadoma šukaju, mienavita dziela hetaha ja piać hadoŭ pryśviaciła žurnalistycy, zajmajusia rasśledavańniami ŭ prahramie «Hrošy» i nie splu načami, kab zrabić čarhovy siužet, usio heta dziela hłabalnaj mety — znajści sabie «papika».
A šo vy dumali? Jak minimum dla taho, kab zrabić nohi krychu lepš — mnie patrebien «papik». Hrudzi ŭžo adramantavała. A voś nohi karotkija… jany mnie spakoju nie dajuć…», — u sarkastyčnaj maniery vykazałasia sama Koba.
A što dumajecie vy, ci karektna chadzić u Viarchoŭnuju Radu abo na inšyja aficyjnyja mierapryjemstvy ŭ takim styli?
