Uradženka Lidy vyjšła ŭ finał hałoŭnaha polskaha konkursu pryhažości
Bažena Varona, jakaja naradziłasia ŭ Lidzie, a ciapier žyvie ŭ Polščy, pazmahajecca za tytuł Miss Polonia, piša Most.
Bažena Varona. Fota: instahram
Bažena Varona naradziłasia ŭ Lidzie, ale ciapier žyvie ŭ Polščy, jana ŭžo atrymała polskaje hramadzianstva.
Dziaŭčyna padała zajaŭku na ŭdzieł u konkursie Miss Polonia jašče ŭ studzieni. Tady ž Bažena prajšła kastynh i vyjšła ŭ paŭfinał.
Na hetym etapie ŭdzielnicy pravodzili samaprezientacyju dla členaŭ žury. Bažena raskazała, što naradziłasia niedaloka ad polskaj miažy (choć Lida ad jaje nie tak užo i blizka, za 120 kiłamietraŭ), a jaje dziadula chadziŭ u adzin kłas ź viadomym polskim śpievakom Česłavam Niemanam (toj naradziŭsia ŭ Starych Vasiliškach na Ščučynščynie). A jašče dziaŭčyna zhadała, što niedaloka ad jaje radzimy, na Navahradčynie, naradziŭsia Adam Mickievič.
Bažena paśpieła papracavać u žurnalistycy, a ciapier zakančvaje vučobu na kryminalistku. U dziaŭčyny jość svoj padkast, na jaki jana zaprašaje psichołahaŭ. Da taho ž, Bažena lubić śpiavać — jana navat udzielničała ŭ papularnym polskim šou.
Dla žury dziaŭčyna vykanała pieśniu Polskie Kwiaty i skaryła dyrektara konkursu svaim hołasam. Pa rašeńni žury ŭradženka Biełarusi, takim čynam, vyjšła ŭ finał.
Miss Polonia — heta hałoŭny nacyjanalny konkurs pryhažości ŭ Polščy. Pieramožca pradstavić krainu na konkursie «Mis Śvietu».
Čytajcie taksama:
Biełaruskaja Papiałuška: jak maładaja jurystka z Harodni Bažena Jaremič robić ahałamšalnuju karjeru
U Navapołacku prajšoŭ konkurs «Mara naftanački». Jak heta było FOTA
Karonu Mis Śvietu atrymała češskaja ŭdzielnica
Biełaruskuju ŭdzielnicu konkursu «Mis Jeŭropa — 2024», jakaja abraziła ŭkrainku, zvolnili z pracy
