Pravaabaroncy: U navapołackaj kałonii palitviaźniaŭ katujuć choładam
Ciapier u navapołackaj kałonii ŭtrymlivajucca minimum 100 palitźniavolenych.
Administracyja ŭstanovy praciahvaje cisk na palitviaźniaŭ — niekatorych na doŭhi termin źmiaščajuć u ŠIZA i PKT, pazbaŭlajuć spatkańniaŭ, pieradač i zvankoŭ, a taksama błakujuć listavańnie.
Akramia hetaha, u kałonii vielmi choładna, u tym liku praz toje, što administracyja stvaraje peŭnyja ŭmovy, kab u pamiaškańniach byli skraźniaki, piša «Viasna».
U štrafnych izalatarach viaźniaŭ taksama katujuć choładam. Im zabaronienyja ciopłyja rečy, fizičnyja praktykavańni vykonvać nielha. Praz heta ŭ ludziej pačynajucca prablemy sa zdaroŭjem. U takich umovach ich mohuć utrymlivać pa niekalki miesiacaŭ zapar.
U navapołackaj kałonii ŭtrymlivajucca, siarod inšych, žurnalisty Andrej Kuźniečyk, Andrej Pačobut, Kanstancin Załatych, Ihar Łosik, Andrej Alaksandraŭ, eks-pretendent u prezidenty Viktar Babaryka.
Čytajcie taksama:
Historyja škłoŭskaj kałonii, za try kiłamietry ad jakoj niekali žyŭ Łukašenka
