Павел Дураў даў інтэрвʼю Такеру Карлсану
Заснавальнік «УКантакце» і Telegram Павел Дураў распавёў, што даў інтэрвʼю былому вядучаму тэлеканала Fox News Такеру Карлсану, які ў лютым браў вялікае інтэрвʼю ў Пуціна.
Павел Дураў. Фота: AOP.Press / Corbis via Getty Images
Інтэрвʼю, напісаў Дураў, выйдзе «зусім хутка». Ён дадаў, што ў дзень размовы з Карлсанам таксама даў трохгадзіннае інтэрвʼю журналісту «ліберальных поглядаў» (каму менавіта, ён не ўдакладніў).
«Як лідар палітычна нейтральнай платформы, я абавязаны мець зносіны з журналістамі, якія прадстаўляюць розныя палітычныя погляды», — напісаў Дураў. Паводле яго слоў, такім чынам ён зможа «заставацца сумленным у адносінах да ўсёй аўдыторыі і расказаць усім гісторыю Telegram».
Дураў напісаў, што анонс інтэрвʼю будзе апублікаваны ў афіцыйным тэлеграм-канале Такера Карлсана, які той нядаўна завёў.
Былы вядучы Fox News Такер Карлсан у лютым 2024 года ўзяў інтэрвʼю ў Уладзіміра Пуціна. Яно стала першай такога кшталту размовай Пуціна з заходнім журналістам за апошнія некалькі гадоў. Карлсан вядомы сяброўствам з Дональдам Трампам і добразычлівым стаўленнем да Расіі.
Павел Дураў таксама вельмі рэдка дае інтэрвʼю. У сакавіку 2024 года Дураў даў першае за сем гадоў вялікае інтэрвʼю выданню Financial Times.
Чытайце таксама:
Шольц і Байдэн разам пасмяяліся з інтэрв'ю Пуціна
«Я знайшоў гістарычную карту Манголіі». Экс-прэзідэнт Манголіі патроліў Пуціна
НН, перестаньта писать чушь. Такер никогда с Трампом не дружил кроме того в его переписке призывал избвавиться от Трампа как политической фигуры. Такер до 2020 года был зарегестрированным сторонником Демократической партии. Все что он делает исключительно для зарабатывания денег. Я не удивлюсь если Дуров как и Путин заплатил за интервью с целью продвижения ФСБшного телеграмма в массы.