Шольц і Байдэн разам пасмяяліся з інтэрв'ю Пуціна
Федэральны канцлер Германіі Олаф Шольц днямі наведаў ЗША, дзе сустрэўся з прэзідэнтам гэтай краіны Джо Байдэнам. Як піша аглядальнік Bild Герберт Баўэрнебель, Шольц і Байдэн абмеркавалі інтэрв'ю расійскага прэзідэнта Уладзіміра Пуціна амерыканскаму журналісту Такеру Карлсану і «паднялі яго на смех».
Пасля Олаф Шольц пракаментаваў размову Уладзіміра Пуціна з Такерам Карлсанам падчас прэс-канферэнцыі і назваў гэтае інтэрв'ю «смеху вартым».
«Цяпер мы бачылі інтэрв'ю расійскага прэзідэнта. Шчыра кажучы, там толькі высмейваюцца рэальныя дзеянні Расіі ва Украіне і расказваецца абсалютна абсурдная гісторыя пра прычыны гэтай вайны.
Ёсць цалкам ясная прычына. Гэта воля расійскага прэзідэнта і Расіі анексаваць частку Украіны. І любыя гісторыі, якія расказваюцца пра гэта, не мяняюць таго, што менавіта ў гэтым і ёсць мэта ягоных імперыялістычных намераў», — падкрэсліў нямецкі канцлер.
Чытайце таксама:
«Мы адвялі войскі ад Мінска». Нечаканая агаворка Пуціна
Пуцін зблытаў Шушкевіча з Шухевічам
Пуцін у інтэрв'ю Карлсану абвінаваціў Кіеў і Захад у пачатку цяперашняй вайны ва Украіне
