Мінчанку затрымалі за ўдзел у пратэстах па вяртанні ў Беларусь
У тэлеграм-канале «сілавікоў» з'явілася відэа з затрыманай дзяўчынай.
Грэта Далінкевіч. Фота з яе інстаграму
Затрыманая — 33-гадовая Грэта Далінкевіч (Максімава). У 2020-ым займалася васкавой дэпіляцыяй. У жанчыны двое непаўналетніх дзяцей.
Вядома, што з 2021-га яна за мужам Яўгенам Далінкевічам пераехала ў Калінінград, які ўладкаваўся туды на працу спартовым масажыстам. Але пасля яны разыйшліся і Грэта вярнулася ў Мінск. Вядома, што ў апошнія некалькі тыдняў яна была ў Еўропе, але жыць туды не пераязджала.
Дзяўчына на відэа кажа, што ўдзельнічала ў пратэстах, а таксама нібыта курыравала дваровы чат «Несцерка». Гэта колішні чат дома па Багдановіча, 78, дзе некалі размяшчалася славутая крама «Несцерка».
Губазікаўцы сцвярджаюць, што аб вяртанні дзяўчыны ў Беларусь іх папярэдзілі праз бот, але нічым гэта не пацвярджаюць.
Чытайце таксама:
Сілавікі затрымалі адміністратара кампаніі па продажы адзення
Тры гады таму затрымалі гродзенскага журналіста Дзяніса Івашына
