Выглядае, на парадзе ў Маскве Лукашэнка зноў не ішоў разам з прэзідэнтамі
Журналістка Ксенія Сабчак у сваім тэлеграм-канале звярнула ўвагу, што Аляксандра Лукашэнкі, як і ў мінулым годзе, зноў няма з Пуціным і ягонымі гасцямі, калі ўсе ідуць ускладаць кветкі і вянкі да магілы Невядомага салдата ў Маскве.
Скрыншот з відэа
Відаць, Лукашэнку зноў падвезлі да месца ўрачыстасці на электрамабілі, бо на ўскладанні кветак і вянкоў ён ужо быў, разважае Сабчак. Падобна на тое, што ён далучыўся да іншых палітыкаў у апошні момант.
Абноўлена: пазней у прапагандыста Russia Today Канстанціна Прыдыбайлы з'явілася кароткае відэа, дзе Лукашэнка ідзе разам з міністрам абароны Расіі Сяргеем Шайгу. Ці прайшоў ён з ім пешкі ўвесь шлях, невядома.
На прыёме ў Пуціна пасля афіцыйнай часткі Лукашэнкі не відаць. Можна меркаваць, што ён паляцеў у Мінск, дзе мае ўзяць удзел ва ўрачыстасцях, што запланаваныя на плошчы Перамогі на 19:00.
Чытайце таксама:
Лукашэнка з Пуціным засядзеліся — да трэцяй ночы абмяркоўвалі Украіну
У Крамлі Пашынян узбег на лесвіцу, а Лукашэнка паехаў ліфтам
Лукашэнка і Пуцін паразмаўлялі ў калідоры перад пачаткам саміту ЕАЭС
