Беспілотнік вывеў са строю Ніжагародскі НПЗ
Найбуйнейшая першасная ўстаноўка па перапрацоўцы нафты на нафтаперапрацоўчым заводзе ЛУКОЙЛа ў Ніжагародскай вобласці спынена пасля пажару з-за атакі беспілотнікаў, паведаміла «Коммерсанту» крыніца на прадпрыемстве.
Ніжагародскі НПЗ у Кстоўскай прамзоне — чацвёрты па аб'ёме перапрацоўкі ў Расіі. На яго прыпадае каля 11% усяго бензіну ў краіне, за год НПЗ перапрацоўвае 16-17 млн тон нафты.
Атакі ўкраінскіх БПЛА на стратэгічна важныя расійскія прадпрыемствы сталі ў апошні час рэгулярнымі.
7 сакавіка беспілотнік атакаваў металургічны завод у расійскім Чарапаўцы. Чарапавецкі металургічны камбінат — другая па велічыні сталеліцейная вытворчасць у Расіі.
6 сакавіка беспілотнікі паспяхова атакавалі Міхайлаўскі горна-абагачальны камбінат у Курскай вобласці. Гэта адно з найбуйнейшых у Расіі прадпрыемстваў па здабычы і ўзбагачэнні жалезнай руды.
24 лютага беспілотнік нанёс удар па Наваліпецкім металургічным камбінаце. Гэта найбуйнейшы ў Расіі вытворца сталі.
У ноч на 12 сакавіка як мінімум восем расійскіх рэгіёнаў былі атакаваны ўкраінскімі беспілотнікамі. Аб атаках паведамілі ўлады Белгарадскай, Варонежскай, Курскай, Маскоўскай, Арлоўскай, Тульскай, а таксама Ленінградскай і Бранскай абласцей.
Чытайце таксама:
15 чалавек загінулі пры крушэнні Іл-76 у Іванаўскай вобласці
Украінскія ДРГ атакавалі Белгарадскую і Курскую вобласці
Губернатары Курскай і Белгарадскай абласцей пацвердзілі атаку ДРГ
