Лукашэнка прызначыў новага суддзю Вярхоўнага суда
Лукашэнка 15 кастрычніка падпісаў указ, якім прызначыў новага суддзю Вярхоўнага суда, паведамляе БелТА.
Лукашэнка прызначыў Ігара Любавіцкага суддзёй Вярхоўнага суда, вызваліўшы яго ад пасады суддзі Мінскага гарадскога суда, Андрэя Ліхача — намеснікам старшыні Гродзенскага абласнога суда, Святлану Ганчар — намеснікам старшыні Мінскага абласнога суда, Сяргея Мікалаева — першым намеснікам старшыні Мінскага гарадскога суда, а Вольгу Рамашэўскую — намеснікам старшыні гэтага суда.
Руслан Аніскевіч вызвалены ад пасады суддзі Вярхоўнага суда, Віталь Кулеш і Аляксей Ляўковіч — ад пасад намеснікаў старшыні Гродзенскага і Мінскага абласных судоў адпаведна.
Указам таксама прызначаныя і вызваленыя ад займаных пасадаў шэраг суддзяў і кіраўнікоў розных судоў у рэгіёнах Беларусі.
