Леўчанка пасля Акрэсціна: Спала 13 дзён на халодных бэльках, канфіскаваная бялізна. Не вадзілі два тыдні ў душ, адключылі ваду
Вядомая баскетбалістка Алена Леўчанка распавяла пра ўмовы ўтрымання на Акрэсціна.
Радыё Свабода
Сёння спартсменка павінна была выйсці на волю пасля 15 сутак арышту, аднак зноў была затрыманая на трое сутак. Зараз ідзе суд за ўдзел у акцыі 20 верасня, піша Tribuna.com.
«Сплю 13 дзён на халодных металічных бэльках, канфіскаваная бялізна. Не вадзілі два тыдні ў душ, адключылі ваду. Не выводзілі пяць дзён у прыбіральню, у нас не працуе зліў. З'явіліся вошы. Ніхто не дапамагае з лячэннем. Адчуваю запаленне па жаночай частцы. Суддзя заявіла, што хадайніцтва аб зменах умоў утрымання не будзе задаволенае», — сказала Леўчанка на судовым пасяджэнні.
Рашэнне суда — штраф 810 рублёў. Яе павінны вызваліць
Бацькі Алены прыехалі зноў на Акрэсціна чакаць вызвалення дачкі
Тэлевядучы Дзмітрый Кахно
Аднак сустрэць яе не ўдалося. Алена патэлефанавала маці і паведаміла, што ўжо дома. Яе адпусцілі адразу пасля суда.
