Prezidenckija vybary pieraškadžajuć pravieści Be Free-tur
Tur u padtrymku adnajmiennaha rok-fiestyvalu pieranieśli z vosieni na viasnu.
Tur u padtrymku adnajmiennaha rok-fiestyvalu pieranieśli z vosieni na viasnu.
Arhanizatar Vital Supranovič kaža, što rehijony pierad vybarami nie chočuć ryzykavać. Maŭlaŭ, nieviadoma, čym mohuć zakončycca kancerty dla miascovych kaardynataraŭ. Tym bolš, što razhladaŭsia ŭdzieł niadaŭna jašče zabaronienych hurtoŭ.
Nahadajem, što spačatku było pieraniesiena praviadzieńnie samoha festu Be Free. Jon musiŭ prajści ŭ Čarnihavie ŭ žniŭni. Ale ŭkrainskija čynoŭniki zabaranili fiestyval, dasłaŭšy arhanizataram farmalnuju adpisku. Paźniej stała viadoma, što Be Free prymie ŭkrainski Roŭna , ale ŭ budučym hodzie.
Rok-fiestyval Be Free uźnik u 2007 hodzie pad nazvaj «Prava być svabodnym». U papiarednija hady jon prachodziŭ na zachadzie Ukrainy — u haradach Łuck i Lvoŭ. Letaś jon adbyŭsia ŭ Čarnihavie, dzie vyrašyli pravodzić jaho i nadalej. Udzieł u im prymali «Lapis Trubiackoj», «Vopli Vidaplasava», «Krama», B:N, ZATOCZKA, Pomidor/OFF, Znich, Vladivostok i inšyja. Sioleta jon pavinien byŭ prajści 21-23 žniŭnia.