Kulinkovič pryśviaciŭ vystup na «Roku pa vakacyjach» Biabieninu
Tradycyjnyja vosieńskija ahledziny najlepšych hurtoŭ «Rok pa vakacyjach» paśla letniaha adpačynku adbylisia ŭ kłubie «Reaktar».
Žyvym ducham RPV byŭ Alaksandr Pamidoraŭ. Śpiarša razam z hurtom ZM99— pierapieŭ ŭłasnyja «Šabany» — atrymałasia jašče impetniej za i tak žvavy aryhinał. Potym dałučyŭsia da novaha prajekta Ramana Arłova «Ŭ nieskładovaje», kab parečytatyvić na fonie novaj kampazicyi. Raman Arłoŭ prykmietna chvalavaŭsia, jaho novy hurt naładvaŭsia nadzvyčaj doŭha, ale pop-rokavyja pieśni, azdoblenyja dzie repam, dzie — bryt-popavym vakałam, pryjšlisia pali publicy daspadoby.
«Kramu», što, jak zaŭždy, hreła svaimi nieŭmiručymi «Stefkaj» i «Biažy, biažy, chłopiec», pravodzili skandavańniem «Žyvie Biełaruś!». Varaškievič, jaki syšoŭ byŭ sa sceny, viarnuŭšysia, paćvierdziŭ u mikrafon «Biezumoŭna!»
«Rok pa vakacyjach» —cudoŭnaja nahoda pradstaŭlać novyja pieśni dy navat novyja hurty. The Toobes abvieścili, što pracujuć nad druhim albomam i navat vykanali pieśniu ź jaho -- Mama.
Svoj vystup lider «Niejra Dziubiela» Alaksandr Kulinkovič pryśviaciŭ zahinułamu Alehu Biabieninui skazaŭ, što biez udziełu žurnalista nie abychodzilisia zapisy niekalkich apošnich «dziubieleŭskich» albomaŭ. Hrali Kulinkovič i K jak nikoli zaciata. «Ubijstvo montirovkoj», «Ja hadzina i niepatryjot», «Pidarasy» dy inšyja chity prahučali ŭ ahresiŭnaj maniery. I tolki pad zasłonu hurt uraŭnavažyŭ svoj vystup rehi-kampazicyjaj pra dziaŭčynu ź Minskaj vobłaści, zaprasiŭšy na scenu dziaŭčat z tanplacu.
Novy rok-hod pačaŭsia.
