Rasija prosić bienzin u Kazachstana
Kreml choča, kab Astana sformavała rezierv dla Rasii.
Orski NPZ, jaki spyniŭ pracu z-za pavodki. Fota: pres-słužba zavoda
Rasija prosić Kazachstan być hatovym da pastavak u krainu bienzinu na vypadak deficytu, vyklikanaha ŭkrainskimi ŭdarami pa NPZ.
U Kramli chočuć, kab Astana sfarmavała dla Rasii rezierv u 100 tysiač ton bienzinu i była hatovaja pastavić paliva ŭ patrebny momant, paviedamlaje Reuters.
Pavodle źviestak vydańnia, hetaje pahadnieńnie ŭžo ŭzhodnienaje ministerstvami enerhietyki dźviuch krain. Čynoŭniki ŭ Rasii i Kazachstanie pakul admovilisia ad kamientaroŭ. Raniej žadańnie dapamahčy Rasii z palivam vykazali i ŭ Biełarusi.
Pa stanie na kaniec sakavika ataki dronaŭ pa rasijskich NPZ vyvieli z ładu 14% mahutnaściaŭ pa pieršasnaj pierapracoŭcy nafty. Dniami spyniŭ pracu i Orski NPZ-z-za pavodki ŭ rehijonie.
Niahledziačy na toje, što aficyjna ŭłady Rasii zajaŭlajuć, što deficytu na ŭnutranym rynku niama, naftavyja kampanii ciapier vymušanyja zadumvacca pra impart paliva.
Ułady Rasii raniej abmiežavali ekspart bienzinu. Zabarona nie tyčycca krain JEAES. Kazachstan taksama abmiežavaŭ ekspart bienzinu da kanca hoda.
Čytajcie taksama:
U Rasii jašče adzin NPZ spyniŭ pracu. Hetym razam praz pavodku
Rasija z-za sankcyj nie spraŭlajecca ramantavać NPZ, paškodžanyja Ukrainaj
