Biełarusam prapanavali jahady ź Zimbabve pa 80 rubloŭ za kiłahram
Na dvary krasavik, a heta značyć, što na pryłaŭkach źjaŭlajucca pieršyja jahady. Praŭda, ceńniki na ich daloka nie sałodkija, znajšło niekalki prykładaŭ vydańnie Telegraf.news.
Tak, naprykład, na rynku ŭ Baranavičach pačali pradavać pieršyja bujaki. Cana za 100 hramaŭ składaje 9 biełaruskich rubloŭ. Vychodzić, atrymać asałodu ad kiłahrama jahad daviadziecca za 90?.. Akramia taho, na pryłaŭku vyjavili i śviežyja kłubnicy: «usiaho tolki» 25 rubloŭ za kiłahram, paviedamlaje anłajn-partał Bar24.
A na sajcie adnoj z papularnych kramaŭ znajšli bujaki, pryviezienyja ź Zimbabve. Za płastykavuju skrynačku ŭ 125 hramaŭ pryjdziecca zapłacić 9,99 rubloŭ. Adpaviedna, za kiło — 79,92.
A voś pałasavacca ažynami ŭ krasaviku možna za 22,99 — stolki kaštuje taja ž płastykavaja skrynačka vahoj 125 hramaŭ. Praź niachitryja padliki atrymlivajecca košt za kiłahram — 183,92 rubla. Zatoje ź Mieksiki!
Na minskaj Kamaroŭcy taksama jość kłubnicy. Cana tut varjirujecca ad 15 da 25 rubloŭ. U apisańni paznačana: «Kłubnicy — ahoń! Vielmi smačnyja, sałodkija». Praŭda, u kamientarach pišuć, što «trava travoj»…
Čytajcie taksama:
Chutka šakaład stanie raskošaj? Kakava-baby za hod padaražali ŭ piać razoŭ
Kramy praciahnuli dziejańnie sacyjalnaj źnižki ŭ 10 adsotkaŭ
