U Małdovie pryznali ekstremisckim ściah impierskaj Rasii
Sudździa zadavoliła zapyt Hienprakuratury, Miniusta i Słužby infarmacyi i biaśpieki.
Fota: point.md
Hetyja instytuty zapatrabavali ŭstanaŭleńnia ekstremisckaha charaktaru ściaha z tryma haryzantalnymi linijami bieł-žoŭta-čornaha koleru, jaki «prapahandujecca Kramlom i Uładzimiram Pucinym jak simvał «novaj Rasii», piša point.md.
Vydańnie padkreślivaje, što ŭ 2014 hodzie hety ściah łunaŭ u Daniecku i Łuhansku, a ŭ niekatorych vajskovych častkach jon zachoŭvajecca dahetul. Padobnyja ściahi taksama vykarystoŭvajucca ŭ Kamracie (prarasijski rehijon Hahauzija na poŭdni Małdovy) padčas prarasijskich demanstracyj.
U kastryčniku 2022 hoda Vieniecyjanskaja kamisija ŭstanaviła, što ŭłady Kišyniova pastupili pravilna, zabaraniŭšy simvały rasijskaj vajny va Ukrainie: hieorhijeŭskuju stužku, litary «Z» i «V». Ekśpierty kamisii pryjšli da vysnovy, što zakon, jaki zabaraniaje hetuju simvoliku, adpaviadaje patrabavańniam zakonnaści, lehitymnaści i suraźmiernaści.
Zatym parłamient prahałasavaŭ za zabaronu na terytoryi Respubliki Małdova simvałaŭ, jakija prapahandujuć vajnu, — litar «V» i «Z» i hieorhijeŭskaj stužački. Tak, za parušeńnie hetaha zakona ŭ Kryminalnym kodeksie praduhledžany štraf 9 tysiač lejaŭ (500 dalaraŭ) i ad 30 da 60 hadzin hramadskich rabot.
Čytajcie taksama:
Małdova vysyłaje supracoŭnika rasijskaha pasolstva
U Małdovie rychtujuć refierendum pa jeŭraintehracyi
Francyja padpisała abaronnuju damovu z Małdovaj na fonie pahroz z boku Rasii
Kiraŭnik raźviedki Małdovy zajaviŭ pra płany Rasii pieraškodzić jaje ŭstupleńniu ŭ ES
