Ź Minska i Homiela buduć chadzić novyja aŭtobusnyja rejsy na Ryhu
Łatvijskaja kampanija Latlines zapuskaje aŭtobusnyja rejsy z Ryhi ŭ Minsk. Pajezdki zapłanavanyja trojčy na tydzień. Taksama aŭtobus hetaj firmu budzie chadzić u Homiel praź Viciebsk i Mahiloŭ. Pieršy rejs z Ryhi ŭ Minsk zapłanavany na 10 krasavika, piša Blizko.by.
Stary horad Ryhi. Fota: Aliaksandr Antanovich / vecteezy.com
Pa darozie aŭtobus Ryha — Minsk budzie rabić šeść pramiežkavych prypynkaŭ: adzin u Łatvii i piać u Biełarusi. Heta Daŭhaŭpiłs, Vierchniadźvinsk, Brasłaŭ, Šarkaŭščyna, Hłybokaje, Dokšycy i Biahoml.
Kvitok z Ryhi da Minska kaštuje 56 jeŭra, z Daŭhaŭpiłsa — 50 jeŭra. U advarotny bok ceny takija ž.
Ź niekatorych inšych haradoŭ pa maršrucie aŭtobusa kvitok budzie kaštavać tańniej. Tak, ź Vierchniadźvinska da Ryhi — 35 jeŭra, a ź Vierchniadźvinska da Daŭhaŭpiłsa — 30 jeŭra.
Taksama ŭ kampanii zapłanavanyja aŭtobusy z Ryhi ŭ Homiel praz Połack, Viciebsk i Mahiloŭ: pa čaćviarhach i niadzielach (nazad — pa piatnicach i paniadziełkach). Pieršy rejs adbudziecca ŭžo ŭ niadzielu 7 krasavika.
Kvitok ad Ryhi da Połacka abydziecca ŭ 45 jeŭra, a da Homiela — u 70 jeŭra.
Čytajcie taksama:
Kalininhrad, Białhrad, Dubaj, Kazachstan… Jak biełarusy jeduć ź Jeŭropy dadomu praz trecija krainy
Na papularnym litoŭskim kurorcie škadujuć, što da ich pierastali jeździć biełarusy
Kvitkoŭ na aŭtobusy ź Biełarusi ŭ Litvu nie dakupicca. Kolkaść rejsaŭ skaračajecca, ceny rastuć
