U «ŁNR» uzarvali jašče adnaho miascovaha kałabaranta
1 krasavika ŭ samaabvieščanaj «ŁNR» vybuchnuŭ aŭtamabil ź miascovym čynoŭnikam — namieśnikam kiraŭnika Centra absłuhoŭvańnia adukacyjnych arhanizacyj Valeryjem Čajkam. Čynoŭnik pamior na miescy.
Vybuch adbyŭsia ŭ Starabielsku kala filijała Łuhanskaha dziaržaŭnaha piedahahičnaha ŭniviersiteta ŭ 13:30.
Śledčy kamitet Rasii raspačaŭ pa hetym fakcie kryminalnuju spravu. A jašče raniej, u 2023 hodzie, abvinavačańnie ŭ kałabaracyjnaj dziejnaści Valeryju Čajku vystaviła SBU.
Da pačatku poŭnamaštabnaha ŭvarvańnia Rasii va Ukrainu Čajka byŭ deputatam Starabielskaj rajonnaj rady. Paśla 24 lutaha 2022 hoda jon dobraachvotna pierajšoŭ na bok akupantaŭ. Byŭ pryznačany daradcam kiraŭnika administracyi Starabielskaha rajona tak zvanaj «ŁNR», udzielničaŭ u stvareńni akupacyjnych orhanaŭ.
Siarod inšaha jon byŭ adnym z arhanizataraŭ «adkryćcia» ŭ Starabielsku padkantrolnych RF «mytnaha pasta» i miascovaha padraździaleńnia «MUS ŁNR».
Čytajcie taksama:
«Prylepin zastaŭsia žyvy, ale biez hienitalij» — kiraŭnik SBU raskazaŭ padrabiaznaści śpiecapieracyj
«Rasija — heta bienzakałonka z armijaj. I my majem namier źniščyć hetuju bienzakałonku»
