Pucin dačakaŭsia vinšavańnia ź pieramohaj na vybarach ź Jeŭrasajuza
List Uładzimiru Pucinu ź vinšavańniem ź pieravybrańniem na pasadu prezidenta Rasii pasłaŭ premjer-ministr Vienhryi Viktar Orban. Pra heta paviedamiŭ pres-sakratar vienhierskaha premjera Biertałan Chavašy, paviedamlaje miascovy telekanał RTL.
Sustreča Viktara Orbana z Uładzimiram Pucinym u Piekinie 17 kastryčnika 2023 hoda. Fota: Grigory Sysoyev, Sputnik, Kremlin Pool Photo via AP, File
Orban nakiravaŭ list Pucinu paśla abviaščeńnia kančatkovych vynikaŭ vybaraŭ u Rasii, heta značyć 21 sakavika. Jon adznačyŭ, što Vienhryja vystupaje za mir.
«My pierakananyja, što padtrymańnie dyjałohu źjaŭlajecca nieabchodnaj umovaj dla chutčejšaha dasiahnieńnia miru», — havorycca, jak kaža pres-sakratar Orbana, u liście.
Taksama Orban zapeŭniŭ Pucina, što Vienhryja «hatovaja da pašyreńnia supracoŭnictva pamiž krainami ŭ halinach, nie abmiežavanych mižnarodnym pravam».
Na hety momant Orban staŭ adzinym lidaram krainy Jeŭrasajuza, jaki pavinšavaŭ Pucina ź pieramohaj na vybarach.
Čytajcie taksama:
«Trajanski koń» Pucina. Chto taki Viktar Orban i čyj bok jon sapraŭdy zajmaje?
Češski ministr nazvaŭ Orbana trajanskim kaniom, jaki pracuje na karyść Rasii
