U «ruskamirnaj» stalinistki Elviry Mirsalimavaj praciahvajucca pryhody
Pra svajo ŭklučeńnie ŭ bazu «Biesporiadki», u jakoj znachodziacca ludzi, asudžanyja pa «palityčnych» administratyŭkach, paviedamiła ŭ fejsbuku sama viciebskaja prapahandystka «ruskaha śvietu». Pavodle Mirsalimavaj, pieraśled jaje z boku miascovych uładaŭ nie spyniajecca.
«Administracyja majho rajona vyklikaje mianie na «prafiłaktyčnuju hutarku»: raskažuć, napeŭna, jak drenna być «bčb-šnicaj i nacystkaj». Jak i mierkavała: zatrymańnie, aryšt i asudžeńnie — stanuć tolki pačatkam «pryhod» dla mianie i majoj siamji», — napisała Mirsalimava.
U kamientarach Mirsalimava taksama paviedamlaje, što padčas zatrymańnia siłaviki čaplali joj naručniki, a jana ich paprakała ŭ tym, što ichnija kalehi «achoŭvali dazvolenaje minskimi ŭładami mierapryjemstva, pryśviečanaje 100-hodździu BNR». Taksama jana pryhadvaje, jak u toj čas, kali jana ź impetam zmahałasia suprać usiaho biełaruskaha, vice-premjer Ihar Pietryšenka jeździŭ u Vilniu na pierapachavańnie Kastusia Kalinoŭskaha, a ŭłady davali dazvoł na ŭstalavańnie pomnika Tadevuša Kaściušku.
Mirsalimavu sioleta ŭ lutym sudzili za parušeńnie paradku praviadzieńnia masavych mierapryjemstvaŭ, za raspaŭsiud tak zvanaj «ekstremisckaj» infarmacyjnaj pradukcyi i za «prapahandu abo publičnaje demanstravańnie, vyrab, raspaŭsiud nacysckaj simvoliki abo atrybutyki».
Čytajcie taksama:
Prarasijskaj aktyvistcy Mirsalimavaj prypisali jašče i prapahandu «nacysckaj simvoliki»
«Nie raz namiakali «aktyvistcy» spynić biełarusafobiju». Azaronak abrynuŭsia na Mirsalimavu
