Pamior kinarežysior Atar Iasielijani
«U nas hora. Pajšoŭ Atar Iasielijani — vialiki kinarežysior, nadzvyčajny čałaviek i moj najbližejšy siabar», — napisaŭ fotažurnalist Juryj Rost.
Atar Iasielijani. Fota: Juryj Rost / yuryrostvzglyad / Telegram
Atar Iasielijani — saviecki, hruzinski i francuzski režysior pakaleńnia šaścidziesiatnikaŭ.
Naradziŭsia 2 lutaha 1934 hoda ŭ Tyflisie (ciapieršni Tbilisi). Paśla škoły pastupiŭ na miechanika-matematyčny fakultet MDU, ale kinuŭ vučobu dziela ŭstupnych vyprabavańniaŭ u VHIK.
Iasielijani byŭ uvasableńniem svabody savieckaj intelihiencyi.
Za 40 hadoŭ svajoj dziejnaści režysior źniaŭ 12 poŭnamietražnych filmaŭ, za jakija atrymaŭ bolš za 20 uznaharod. Siarod jaho samych paśpiachovych rabot: «Listapad», «Žyŭ pieŭčy drozd» i «Palavańnie na matylkoŭ».
