Biełaruskija kasmanaŭtki, jakija rychtujucca da palotu na MKS, adpracavali niaštatnuju pasadku na vadu
Maryna Vasileŭskaja i jaje dublor Anastasija Lankova rychtujucca da palotu na MKS. Siońnia jany adpracavali dziejańni na vypadak pryziamleńnia na vodnuju pavierchniu, taksama dla ich zymitavali evakuacyju na viertalocie, paviedamlaje RIA Novosti.
Treniroŭka prajšła ŭ hidrałabaratoryi, pakolki ŭmovy nadvorja nie dazvolili pravieści jaje na adkrytaj prastory.
U kancy maja 2023 hoda stała viadoma, što prachodzić padrychtoŭku da kaśmičnaha palotu buduć dźvie biełaruski — bortpravadnik avijakampanii «Biełavija» Maryna Vasileŭskaja (jak asnoŭny kandydat) i chirurh RNPC dziciačaj chirurhii Anastasija Lankova (dublor).
Płanujecca, što rasijski karabiel «Sajuz MS-25» startuje 13 sakavika 2024 hoda.
Kamandziram ekipaža, jak anansujecca, stanie ŭradženiec Biełarusi Aleh Navicki. Taksama na Mižnarodnuju kaśmičnuju stancyju adpravicca astranaŭt NASA Trejsi Dajsan.
Padčas 12-sutačnaha palotu kasmanaŭty pavinny buduć vykonvać navukovuju prahramu, raspracavanuju NAN Biełarusi i dziaržkarparacyjaj «Raskosmas» z udziełam RAN.
